P A T A V I N A 279

Doctores comuniter ». Et alibi: « Vicarius foraneus, ratione sui vicariatus, nullam habet praecedentiam in choro, ses^ sionibus et processionibus et aliis actibus et functionibus ec- clesiasticis super parochos, canonicos et presbyteros, ipso antiquiores et digniores, sed debet ipse vicarius stare, se- dere et incedere in loco suae receptionis et dignitatis ac si non esset vicarius foraneus, tam cum cotta, quam sine illa, non obstante quacumque ordinatione Episcopi in contrarium, praeterquam in congregationibus quae de mandato Episcopi singulis mensibus fiunt, in quibus tamquam Episcopi dele- gatus debet praecedere omnibus, non tamen in processioni- bus, missa et aliis quae fiunt ante congregationem. » Hanc vero sententiam eruit ex pluribus S. C. Rituum decisioni- bus, quas inter recolere sufficiat Brundusina 7 Nov. 1600, Oritana et Catanen. eiusdem diei et anni, Marsicen, Spole- tana et Bononien. diei 11 Aprilis 1601 etc.

Nec aliquid in themate Vicariis foraneis prodesset inolita in Patavina dioecesi consuetudo; siquidem praefatus auctor adnotat loc. cit. eamdem SS. Rituum Congregationem de- claravisse in Syracusana diei 8 Iunii 1630, praecedentiam super reliquos de clero vicariae non posse vicarios foraneos sibi vindicare, « non obstante contraria consuetudine ». Pa- rochus vero loci Montegalda dum alias his attexit auctori- tates, refert in alio responso Congregationis SS. Rituum die 16 Iunii 1663, quoad haec, consuetudinem « etiam im- memorabilem fuisse nihili factam. Et re quidem vera, at- tenta facilitate qua huiusmodi observantia ob vicarii foranei delegatam auctoritatem in parvis oppidis sensim sine Sensu irrepere poterat, non omnino absonum esset invocare cap. 5 de Regulis iuris: quod latenter aut per vim, vel alias illi- cite introductum est, nulla debet stabilitate subsistere. » Unde concludendum videretur observantiam vigentem in Dioecesi patavina esse omnino reprobandam.

Praecedentiam vero in omnibus ecclesiasticis functioni- bus intra limites vicariae deberi primum parochis ecclesiae matricis, si adsint, ac deinde ceteris iuxta dignitatem vel