ANDRIEN. 279

plius nequit. Iniusta ergo sententia dicenda est , quae so- dalitatem hoc onere exsolvit: illique, cui oleum debetur, iniuriam facit.

Dein advertit Praepositus obligationem , qua sodalitas tenetur, in quaestionem vocari non posse : quippe quam Curiae Andriensis sententia sollemniter adscivit.

A qua quum sodalitas SSmi Sacramenti neque initio appellaverit, neque hodie appellantis Praepositi appellatione, ut aiunt, incìdente petitioni accesserit : quod aperte sententia decernitur, iudicatum existimandum est, instat orator.

Ipsam vero obligationem quod spectat, si controverti velit, hisce probare nititur Parochus argumentis. Quorum primum e Sodalitatis natura Praepositus petit, quae quum eo intendat ut cultum augeat Sanctissimo Sacramento exhi- bendum in hunc praecipue cultum suos redditus impendere tenetur. Quare, prosequitur Praepositus, in omnibus orbis Ecclesiis expensas pro hoc cultu faciendas sodalitates a SSmo Sacramento, vel in totum, vel in partem saltem, si pecunia non suppetat, perferre solent. Andriae vero sodalitas a SSmo in Cathedrali Ecclesia constituta has expensas aequo animo sustinet.

At nullas pro hoc cultu expensas Sodalitatem fundatam in sua Ecclesia sustinere Praepositus conqueritur. Haud praebet illam cerae quantitatem, quae in quotidiana adora- tione adhibetur; haud solvit expensas illas, quae quotannis occurrunt, quum Viaticum ad infirmos defertur: haud sup- peditat sacra paramenta, haud lintea, haud palmas, haud flores : haec enim omnia testimoniis allatis, a se vel a fide- libus suppeditari Praepositus ostendit. Quin immo nec pe- cuniam rependet, ad quam illam andriensis iudex conde- mnavit. Haec enim summa 20 libellarum in rationibus ac- cepti et expensi gubernio exhibendis, inseritur : sed Prae- posito non rependitur.

Sed alterum obligationis fundamentum in constitutioni- bus Praepositus ponit, quibus regitur adversa sodalitas.

Quae constitutiones violari non possunt, tum quia ligant