280. De sancto Paulo.

1. Paulus, aemulator legis,
Persecutor Christi gregis,
Lupus rapax mortem gerens
Circuit, necare quaerens
Cuneos fidelium.

2. A divina luce tactus,

Mente raptus, caecus factus,
Ductus est ad Ananiam,
Videns novae vitae viam,
Iesum Dei filium.

3. Uetustate spoliatus,
Fonte gratiae renatus
Coepit usque fines terrae
Salutare semen ferre
In fervore spiritus.

4. Laetus Christum est secutus,
Multa passus ipso iutus,
Probris laesus, virgis caesus,
Mortis poenam et catenam
Pati non est veritus.

5. Uitam longam in virtute
Duxit mundi pro salute,
Martyr tandem cum corona
Sumptus ad aeterna bona
Laudat regem gloriae.

6. Sancte Paule, dux doctorum,
Martyr, flos apostolorum,
Nos emenda, Deum ora,
Ut illustret nos decora
Beatorum requie.