280 IANUEN.

ad Sanctuarium pro functionibus ipsi iuxta antiquas consue- tudines spectantibus ibi peragendis, accedere valeret : utque Massarii pro summis eidem Parocho debitis et usque ad an- num 1872 non solutis, summam libellarum mille traderent; deinceps vero ipsi eiusque successoribus annuas libellas 108 persolverent.

Quum tamen hae contentiones fidelium animos a B. V. Sa- cello non removerent, imo Beata Virgo magis magisque in sua Aede collucescere visa sit et late in populos suas im- partire gratias, sub anno 1890 Eius templum in venustiorem et augustiorem formam reductum, solemniter publico cultui fuit restitutum. Tunc Archiepiscopus ut disciplinam in dictae Ecclesiae clero et administratoribus satius componeret, die 20 Maii 1890 decrevit.

1. Sanctuarium praedictum ab inchoato aedificatum; erit posthac directe subiectum Nostrae Iurisdictioni.

2. Sacerdos a Nobis prima vice eligetur ac deputabitur in Rectorem eiusdem Sanctuarii, qui ea munera exequatur qui- bus funguntur omnes Sacrarum Aedium Rectores et quoties- cumque antedictum officium vacaverit ad Nos spectabit electio.

3. Rector non solum invigilabit templo, sed et omni sacrae supellectili, diriget etiam functiones quae illic quo- tidie peragi solent, et Nobiscum concors deliget Oratores et Sacra explentes in omnibus solemniis Sanctuarii.

4. Diriget etiam Sacerdotes a sacris, et Confessores San- ctuario addictos ac Aedituos.

5. Licebit cuique Parocho in Sanctuarium cum populo suo ingredi non tantum cum stola, sed et cum Cruce, ac ibi peragere sacra, dummodo in agendis Rector et Parochus antea convenerint, ut omnia ordinatim procedant, nec sacra quae in Sanctuario facienda sunt turbentur.

6. Quoad reditus, oblationes et stipes Sanctuarii regularis Administratio constituta extat ad quam referendum erit.

Haec omnia fideliter exequenda mandamus, salvis semper iuribus duarum Paroeciarum, quae extant in territorio, quo attollitur novum Sanctuarium.