277. De sancta Magdalena.

1 a. Magdalenam collaudemus
Et in eius exsultemus
Felici memoria,

1b. De peccatis quae commisit
Nil ad praesens, nam remisit
Illi Christus omnia.

2 a. Iesus enim dum recumbit,
Illa venit et infundit
Lacrimis vestigia:

2 b. Christi pedes amplexatur
Et iam prorsus detestatur
Perpetrata vitia.

3 a. Retro stetit et non ante
Dicens Christo: " Patersancte,
Peccatricem respice,

3 b. Ne me spernas confitentem
Nec confundas accedentem,
Sed ad vitam erige.

4a. Corde loquor et non verbis,
Tu dolorem meum sentis
Et mea suspiria.

4 b. Qui me vident, de dignantur,
Quod te tango, criminantur
Prae cordis duritia.

5 a. Sed, o pater orphanorum,
Dic problema debitorum
Et exsusa filiam.

5 b. Respondere non sum ansa,
Ad te spectat mea causa,
A quo peto veniam.

6a. Dic: "Maria, surgens vade,
Te dimitto nunc in pace
Et relaxo crimina."

6 b. Ergo, pia Magdalena,

Hostes nostros tu refraena
Et semper elimina,

7 a. Ut post huius vitae cursum
Ascendamus tecum sursum
Ad aeterna gaudia,

7 b. Ubi manes, o beate,
Angelorum sociata
Coetibus in gloria.