281. De s. Paulo Eremita.

1. Bina legione David
Hostes Israel prostravit,

Mundum, carnem, daemonium,
Primum martyrum levitam,
Monachorum eremitam

Dans Paulum primicerium.

2. Ipse puer vix sedennis
Columbae vestitur pennis

Petens antrum maceriae.
In desertum dat volatus
Orans, templaus, incolatus
Praesentis flens miseriae.

3. Sentit tunc Valerianus
Socer dirius vesanus,

Huic moliens interitum ;
Solitudinem petivit.
Qua salvaret, exquisivit

Puer, pusillum spiritum.

4. Cohors prior iam cessare,
Sequens debuit pugnare.

Quapropter Christus noluit,
Quod in illa militaret,
Nostrae sed ducatum daret,

Prout insignis voluit.

5. Mentem pascit spiritale
Manna, Iesu, pluis quale

In pauperi dulcedine;
Octo carnem palma lustris
Nutrit, corvus hinc industris

In semipanis fragmine.

6. Iesu dulcis, hunc duplasli,
Tandem sibi sociasti

Convivam dum Antonium ;
Pium oritur certamen,
Quis confringat, pacis tamen,

Amoris dulce iurgium.

7. O quam laete convivantur,
Nam delibant, quae parantur

Iam regis in triclinio !
Si ministrat ibi Christus,
Certe frangit panem istis

Plus spiritus in scrinio.

8. Potat sanctum aqua rivus,
Plus sed aptat te fons vivus,
Hinc vena vitae scaturit;
Libet tamen contemplari
Vestem, magis qua ornari
Tantus miles meruit.

9. Quis ignoret innocentem
Cocco bissoque fulgentem,

Auro, iacintho, purpura;
Gloriam sed hanc decoris
Intus vide, quaeso, foris

Quae monachi cucullula.

10. Manibus victores gerunt
Palmas, huius artus ferunt

Contextam palmis tunicam ;
Armis victor loricatur
Ferme centum, amplexatur

Sic undique victoriam.

11. Sile, caro, cede, munde,
Vade, Satanas, rotunde

Deridet vos emeritus ;
Nil habetis, quod non sprevit,
Qui nec suasis acquievit

Nec mala vestra veritus.

12. Die, Antoni, senex sancte,
Die, dic adhuc vitae tantae
Quidquam pluris magnalium.
Vere magnus, quem revelat
Tibi Deus, grex nec celat
Monstrosus animalium.

13. Hunc quaesisti cum labore,
Repertum mirans stupore,

Occulta nempe panderat;
Affers pallium petitum,
Plangens rediens sopitum,
In Christo iam dormierat.

14. Cernis turmas angelorum
Iungere apostolorum

Prophetisque collegio ;
Quam devote moriatur,
Flexus poples hoc testatur ;
O stupenda religio !

15. Cambis pater vestem tuam,
Testamento capis suam,

Qua in festis progrederis,
Digne credens te ornari,
Tanti patris decorari

Amictu si merueris.

16. Dant leones sepultarae

Corpus sacrum et hoc iure,
Ut sanctis ferae pareant;
Sic spe caro requiescit,
Bonis gloriae fulgescit
Spiritus, quem exhilarant.

17. Iam, praeclara caeli stella,
Paule pater, seda bella,

Quibus desertum quatitur ;
Urit ignis, mordet serpens,
Gravat labor atque torpens

Mens Amalech insequitur.

18. Duc nos montem visionis,
Terram ad promissionis,

Supernam Ierusalem,
Ubi sanctis pater paret,
Flamen ardet, verbum claret

Per te, rex O Iesu Salem.