S. B. IOSEPHI LABRE 281

Ubi primum de Benedicti morte percrebuit per Urbem ru- mor, ingens confestim populi multitudo cubiculum obsedit, in quo pauperrimi hominis iacebat corpus, et laciniosi amictus particulam aliquam venerationis causa sibi habere quisque decertabat. Omnes enim cuiusvis aetatis, sexus, et gradus turmatim properabant Be- nedictum Iosephum defunctum in sanctae Mariae ad Montes templo conspecturi, et intercessionem apud Deum in suis necessi- tatibus expostulatur!. Cuius opinioni magis in dies invalescenti ac- cessere etiam prodigia , quibus Deus humilis Servi memoriam de- corare dignatus est.

Porro ex ardenti studio, quo Dei Famulus vitam suam exem- plis divini Magistri fieri conformem nisus est, omnium christiana- rum virtutum heroicum exercitium elucescere , nemo est qui non videat. Enimvero Fidem ac Spem, quae ex operibus patefiunt, sa- tis superque ostendunt innumerae et asperrimae peregrinationes in honorem Dei , Beatae Mariae Virginis , ac Sanctorum , ab eo ad mortem usque susceptae , pro quibus tot tantaque perpessus est. Charitas autem tum in Deum , quae praesertim in suis assiduis orationibus foris etiam erumpebat , tum in proximos pro quibus sublevandis haud semel supremo vitae periculo semet obiecit , mi- rifice effulget. Prudentia, quae, uti docet s. Bernardus, virtutum omnium moderatrix et auriga est , totam vitam suam guberna- vit , quippe non alium sibi praestitum finem agnovit , non alium assequi studuit, quam Dei gloriam aeternamque salutem. Iustitiae autem sectatorem fuisse beatum Benedictum ex eo patet quod am- pliorem, quo potuit, Deo honorem tribuit et cultum; ac de proximi bono ita sollicitus , ut miram liberalitatem in egenos exhibuerit, quamvis prae ceteris egenus. Temperantia in eo enituit ob duris- simum vitae genus quod amplexus est , corpusque suum vigiliis , ieiuniis, flagellis semper affligi voluit; nec non Fortitudo per quam, domo , parentibus patriaque relictis, Dei mandata unice custodire statuit. Humilitatis demum iugi exercitio omnia opera sua praeclare illustravit, quae in dies augebatur ob vehementissimum, quo aestua- bat, desiderium vitae Iesu prosequi vestigia pro nobis exinaniti et formam servi accipientis. Ut quemadmodum per humilitatem mar- tyriumque Crucis a morte, ad vitam translatus est homo, qui per sensus illecebras superbiamque a pristina innocentia ac felici- tate corruerat; ita evangelicis innutritus documentis Benedictus, arctissimam perfectionis viam aggressus , ut quo magis Crucis