IANUEN. 281

Contra hoc decretum statim protestatus est Parochus op- pidi Livellato adeo ut dein statuerit formale apud S. C. C. instaurare iudicium. Archiepiscopus de more percontatus pro informatione et voto sub die 5 Aprilis 1894 reposuit : inter alia petens, ut, ad conflictus evitandos Parocho Livellati facultas functionem principem in Ecclesia Sanctuarii fieri so- litam, peragendi denegaretur.

Postea idem Ordinarius, antequam lis definiretur, ratus est, S. C. Conc. adire, expostulans ut ad litem radicitus evel- lendam dignaretur decernere, erectionem Sanctuarii B. M. V. De Guardia in paroeciam.

Quod propositum erectionis in paroeciam cum Parocho loci Livellato displiceret in concordandis dubitandi formulis, hoc expresse eius procurator in quaestionem adducere statuit.

Disceptatio Synoptica

DEFENSIO PAROCHI. Quoad primam quaestionem Parochi oppidi Livellato patroni antea quaerunt, utrum templum B. M. Virginis a Guardia cum omnibus suis partibus aedifi- ciisque annexis contineatur intra limites paroeciae S. Bar- tholomaei oppidi Livellato ; an aliqua saltem eius pars aut aliquod ex annexis aedificiis tribuendum sit territorio fini- timae paroeciae S. Mariae oppidi Ceranesi. Dein adnotant in allatis documentis omnibus, semper mentionem fieri pa- rochi S. Bartholomaei; de parocho autem S. Mariae nullum unquam verbum inibi reperiri. Parochos autem S. Mariae op- pidi Ceranesi, tunc primum contendere coepisse partem ali- quam areae, in qua templum B. Mariae a Guardia atque aedificia ei annexa erecta sunt, sibi pertinere, quum anno 1792 hospitium, templo contiguum, aedificatum est.

Quare, inferunt patroni, prorsus iniuria defunctus Ar- chiepiscopus Salvator Magnasco decretum diei 20 Maii 1890, his verbis conclusit : « Haec omnia fideliter exequenda » mandamus, salvis semper iuribus duarum Paroeciarum, » quae extant in territorio, quo attollitur novum Sanctua-