278. De sancta Magdalena.

1 a. Magdalenae

Laudes plene vox serenae
Psallat mentis,

1b. Per quam rei

Formam spei trahunt Dei
Dono dantis.

2 a. Haee Maria cunctis pia
Advocata lapsis data
Est surgondi,

2 b. Quae, dum flevit, abolevit
Culpas flendo, formam dando
Paenitendi.

3 a. Hanc errantem fons revexit
Et amantem se dilexit
Pietatis,

3 b. Quod, dum flevit ipsa flente,
Fratre vivo resurgente,
Patet satis.

4 a. Hanc post lapsum caelitus
Septiformis spiritus
Perlustravit,

4 b. Et regnavit gratia,
Quo prius nequitia
Abundavit.

5 a. Pharisaeus murmurat,
Iudas fremens susurrat,
Seque soror quaeritat
De hac pia;

5 b. Silet haec simpliciter,
Dat responsa iugiter
Christus efficaciter
Pro Maria.

6 a. O felix nimium,

Quae tam propitium
Sensisti Dominum
Post reatum,

6 b. Nos post exsilium
Perduc ad bravium,
Quo justis gaudium
Est paratum.