282. De sancto Pelino.
I.

1. Regis regum plebs devota
Voce clara, mente tota

Celebret sollemnia;
Festa redeunt iucunda,
Et nos mente sitibunda

Solvamus praeconia,

2. Solve vota digna laude,
Totis viribus congaude,

Valvensis ecclesia;
Sola digna tu fuisti,
Sola tu promeruisti

Pelini suffragia.

3. Sola possides primatum,
Sola tenes praesulatum

Et eius insignia,
Cuius corpus hic quiescit,
Per quem latius clarescit

Haec mater ecclesia.

4. Haec lux mirae claritatis,
Gratia latinitatis,

Oritur in Graecia,
Quam inde praedestinarunt
Et huc gratis asportarunt

Dei providentia.

R Eia, fratres, canite,
Trino regi psallite,
Grates dignas agite,
Vetera deponite,
Nova vos induite,
Diem festum colite,
Cantilenam facite,
Martyri complaudite.

II.

1. Hic nobili genere
Civitate Durachio
Matre quidem Saphira,
Patre natus Archadio,

2. Deo famulantibus,
Constitutis in senio,
Nullam spem tenentibus
Super habendo filio,

3. Nisi quam conceperant
Praecmente Basilio,
Cuius post commissus est
Praeclaro magisterio.

4. Et in templo Domini
Oblatus est cum gaudio.
Cuius hic continuo
Congaudemus martyrio.

R Eia, fratres, canite.

III.

1. Crevit sanctus de repente
Sancto spiritu replente

Desuper ingenium,
Et festinus aspiravit
Et ad sacrum convolavit

Doctrinae fastigium,

2. Non ascribens sibi tanti
Sed donis spiritus sancti

Muneris officium,
Tunc relictis universis
Ac legitime dispersis

Iuxta evangelium.

3. Contra sectas paganorum
Et cultores idolorum

Opponens se obvium,
Navem protinus intravit,
Statim sanctus invocavit

Dei patris filium.

4. Dono cuius est eggressus
Et celeriter ingressus

Nobile Brundisium.
Quem Aproculus inspexit,
Praesul terrae, nec despexit,

Excepit in filium

5. Et archidiaconatus,
Post coegit praesulatus
Conscendere solium.

R Eia, fratres, canite etc.
IV.

1. Romam vadit ordinandus,
Papae manibus tractandus

Et pie suscipitur,
Deo intus inspirante,
Papa foris operante

Caput et mens ungitur,

2. Et sibi pontificatus,
Animarum praesulatus

Per Iulium traditur;
Post acceptam missionem
Necnon benedictionem

In pace dimittitur.

3. Sed Aproculus cum eo
Rediens vocante Deo

Apud Ansam moritur;
Postquam sanctus emigravit,
Praesul sibi consecravit

Domum, sicut cernitur.

4. Post ad Apulos reversus,
Ubi populus inversus

Habitasse dicitur,
Evidenti ratione
Omnes et oratione

Convertisse legitur.

5. Omnis ritus paganorum,
Omne fanum idolorum
Per ipsum destruitur.

R Eia, fratres, canite etc.
V.

1. Iam sanctus converterat

Calabros et Apulos
Et, quoscunque poterat,

Edocebat populos
Elargiri propria

Nec servare loculos,
Ut Christus praeceperat

Per suos apostolos.

2. Plenus omni scelere

Caesar Iulianus
Audit, quod Simpronius

et Aurelianus
Sit uterque publice

factus christianus,
Frendens torquet oculos

tamquam vir insanus.

R Eia, fratres, canite etc.

VI.

1. Hos ipse miserat
Martyrem ducere
Et eius socios

Omnes adducere,
Quosdam promissis
Et largo munere,
. Alios minis

Et diro vulnere.

2. Quos sanctus innocens

Sic exhortatur:
Eamus Romam,

Nunc praeparatur
Corona nobis,

Nam tunc probatur
Verus athleta,

Cum proeliatur.

R Eia, fratres, canite etc.

VII.

1. Ecce, Romam veniunt

voce laetabunda
Intraturi proelia,

quae non sunt iucunda,
Ea tamen sustinent

mente sitibunda
Exsecrantes penitus

idola immunda.

2. Praesul ait Caesari:

"dic tu, Iuliane,
Nunc factus apostata,

quondam christiane,
Reliquisti Dominum

et servis Diauae,
Ut tibi conquireres

solium inane?

3. Miser, quid te decipit,

quid tibi blanditur?
Ecce, quod tu possides,

repente finitur,
Furia, qua praefuris,

cito sepelitur,
Ubi fures fodiunt,

tinea molitur."

4. Caesar apostasiae

Tactus improperio
Cogitat multiplici

Perdere martyrio
Pelinum sanctissimum

Cum suo collegio
Et Pelinum tradidit

Tunc Corniculario.

5. Hic huius provinciae

praeses et praefectus.
Forma novi sceleris,

omni dolo tectus
Et nefanda daemonum

mixtura confectus,
Cui mens est horrida,

funestus aspectus.

6. Rediens Corfinium

praeses hic inflatus.
Quod pravorum hominum

erat incolatus,
Daemonum congeries,

sedes et primatus,
Civitas praecipua

huius comitatus.

7. Praeses laetus incipit

populo narrare,
Quod Pelinum duxerat

huc sacrificare
Et ipsum suppliciis

duris macerare,
Nisi cito satagat

daemoni curvare.

8. Quod Pelinus audiens

dixit ad profanum:
"Ecce, mecum pergite,

ibimus ad fanum."
Quod ut omnes audiunt,

properant in vanum,
Prosequentes omittunt

praesidem insanum.

9. Ubi sanctus Domino

genua curvavit,
Totum templum corruit,

idola constravit
Et Cornicularium,

qui hoc ordinavit,
In ruinam suffocans

totum conquassavit.

10. Postquam cernit populus

praesidem migrasse,
Animam daemonibus

cito commendasse,
Pelinum antistitem

dicunt incantasse
Et suis praestigiis

talia patrasse.

11. Nesciunt, quod daemonum

furia peremit
Praesidem, quae neminem

a poena redemit;
Adcurrunt pontifices,

populus contremit,
Et ad casum principis

tota plebs infremit.

12. Pessima pontificum

turba conclamavit,
Plagis et verberibus

sanctum crueiavit,
Donec martyr animam

Deo commendavit
Et caelorum ardua

terra commutavit.

13. Multa sustinuerat

pontifex martyria,
Poenas importabiles

et longa suspiria,
Antequam exsolveret

extrema supplicia,
Corpus cuius possidet

nunc nostra confinia.

R Eia, fratres, canite etc.

VIII.

1. Miro modo plaudite
Voce, corde, manibus,
Sedem vobis facite
In virtutum gradibus.

2. Praeferentes spiritum
His lutosis carnibus,
Luteam materiem
Exornemus moribus.

3. Vocis modulatio

Et cor purum sordibus
Iungat se celeriter
Caritatis sedibus,

4. Et Pelini precibus
Nobis suffragantibus
Iungamur perenniter
Angelorum coetibus.

R Eia, fratres, canite etc.

IX.

1. Infernali furia

Caesar Iulianus
Rapitur ad inferos

tamquam tunc profanus,
Post quem regnat, imperat

Caesar Iovianus,
In quo gaudet pariter

orbis christianus.

2. Hic legatos destinat

carpere Corfinium,
Nicostratum praesidem

et Pardum patricium ;
Qui non possunt viribus

Neque per ingenium,
Nisi, ex quo martyrem

habuere praevium.

3. Hi redire coeperant

tamquam desperati
Ad id, pro quo venerant

valde fatigati,
Sed iacentes lectulo

somno soporati,
Martyr his apparuit

dicens: "O legati,

4. Quis honor, quae gloria,

sic repatriare,
Leviter incipere,

frustra laborare,
Infecto negotio

nihil consummare?
Nam solet opificem

opus declarare.

5. Ecce, retro cedite,

nihil dubitetis,
Nam auctore Domino

terram capietis,
Corpus meum utique,

quod invenietis
Ante portam positum,

sub luto tolletis."

6. Hi divino munere

terram receperunt,
Iuxta dictum martyris

corpus invenerunt
Et sibi basilicam

ibi construxerunt,
Cui totam patriam

devote dederunt.

7. Hanc novam basilicam

vetus procreavit,
Cupressina capsea

corpus conservavit,
Quod praesul Gualterius

publice locavit
Et altare desuper

maius ordinavit.

R Eia, fratres, canite etc.