282 Restitutionis in integrum et nullitatis Professionis

Post professionem alia testis commemoravit Mariae, dum insaniebat, iuramentum Deo in professione factum: eique respondit: hoc iuramentum integro corde non feci; sed tantum labiis id pronuntiavi. Eademque testis retulit, quod paullo ante professionem Maria dixit ; spero a Deo, ut in ipsa pro- fessione sub nigro panno moriar : et hoc dicebat, ut perpetuus esset parentum angor, qui eam obligaverant.

Post professionem quid contigerit paucis verbis dici potest : sese ostendit iugiter asperam et inquietam adversus matrem ; iracundia saepe abreptam, quae iracundia eo pervenit, ut qua- dam vice in cubiculo ita se clauserit, ut per eius fenestram ope scalae necessarium fuerit intrare: quod factum moniales perturbavit, ita ut iudicarent Mariam aegro animo in mona- sterio stare. Atque tum ante, tum post professionem abhor- rebat ab ipsis monasterii parietibus et ab omnibus ibidem habi- tantibus, ita ut selegisset potius miseram et indigentem vitae rationem, quam in loco vivere ubi Deus eam non vocaret.

Quamvis autem testes affirment, Mariam monasterii regulas universim servasse ; tamen aliquid notant, sive levitates, sive repentinos animi motus, sive inclinationem ad amandos viros non sine communitatis aliorumque scandalo, sive peculiares amicitias cum aliis e monasterio non optimae famae, cum qui- bus tempore Missae colloquebatur, ita ut aliis esset distra- ctionis causa; sive frequentiam in Collocutorio, etc. Nec mirum, aiente S. Augustino: Non enim Domino quisquam quidquam rectum voveret, nisi qui ab illo acciperet quod voveret. Civit. Dei, I. i y, c. 4, n. y.

Postquam Consultor omnia propemodum in processu per- sonaverit , ponderaverit et exposuerit, nonnulla ex ss. cano- nibus adiecit, ut opinionem suam corroboraret. Animadvertit enim ex S. Thoma, 2, 2, qu. 88, art. i: ad votum tria ex necessi- tate requiruntur, deliberatio, propositum voluntatis et promissio. Sed propositum, ut idem angelicus Doctor docet, optime manife- statur per operationes: atqui Mariae operationes fuisse adver- sas professioni, quam ait etiam fecisse tantum labiis. Ergo.