282 IANUEN.

» riunì ». Ex adverso, aiunt, praesens Archiepiscopus Ia- nuensis, hac de re diserte ab hac S. Congregatione rogatus, iurisdictionem super domibus in summitate montis Ficogna existentibus tribuendam esse, parocho Livellati, quia ulla oppositio ex parte sive Parochi, sive parochianorum di Ce- ranesi timeatur.

Ad secundam quaestionem descendentes procuratores, nempe ad transactionem, initam die 8 «Aprilis anni 1873, primo recolunt, quod anteactis temporibus potestas Rectoris Livellati in templum B. Mariae a Guardia latissime patebat: ita ut curia Archiepiscopalis Ianuensis anno 1636 vetaverit massariis templi illius, ut iidem claves apud se retinerent, easque Rectori S. Bartholomaei custodiendas tradi iusserit. Quod hac de causa fiebat, quia templum B. Mariae a Guardia annexum erat templo S. Bartholomaei, et ambo templa unum eundemque habebant Rectorem.

Quoad administrationem bonorum templi B. M. a Guardia, pergunt Oratores, ea inde ab initio fuit apud templi funda- torem et Rectorem Livellati : tum apud Rectorem Livellati et massarios, quorum custodiae bona mobilia, quum inventaria fiebant, committebantur. Et si quando contingeret ut alius Rector in S. Bartholomaei paroecia sunficeretur, tum inven- tarium bonorum templi B. Mariae a Guardia conficiebatur, eaque ab emerito Rectore, novo Rectori custodienda trade- bantur.

Pecunia atque alia bona mobilia, quae propria erant templi B. Mariae a Guardia, in arcis custodiebantur duobus vel tribus clavibus obseratis. Iam vero altera ex his cla- vibus a Rectore Livellati custodiebantur. Ita enim fieri iussit Visitator apostolicus anno 1582; ita iusserunt ar- bitri anni 1596 ; ita pariter praeceptum est a curia ia- nuensi in edicto diei 11 Augusti 1636; ita iussit anno 1699 Senatus ianuensis. Imo ab arbitris anni 1596 praeceptum fuerat, ut arca maior, in qua tum pecunia, tum praecipua bona mobilia illius templi servabantur, deponeretur penes Rectorem Livellati in templo S. Bartholomaei.