Sacra Congregatio Rituum 283

stró in cruce pendente prolatis verbis, tranquille animam suo reddidit

Creatori die 23 Februarii anni millesimi octingentesimi octogesimi noni.

Eius vero corpus in eiusdem domus coemeterio conditum iacet.

Sanctitatis fama, qua vivens fuerat redimita, post eius obitum, perpen-

sis eius virtutibus, mire crevit. Quapropter in curia Vicensi super eadem

fama processus fuit incoeptus et insimul alter quem diligentiarum vocant.

Uterque processus in Urbem transmissus fuit, et die 18 Iunii anni 1930

decretum super scriptorum approbatione fuit editum. Quum vero, iuris

ordine servato, nihil obstaret quominus ad ulteriora procedi posset, instante

R. P. Augustino a Virgine, Ordinis excalceatorum Ssmae Trinitatis redem-

ptionis captivorum, Causae Postulatore, attentis quoque litteris postula-

toriis Emi Cardinalis Segura y Saenz tunc Archiepiscopi Toletani et Hispa-

niae Primatis, Episcopi Vicen. et plurium Archiepiscoporum et Episcopo-

rum, praesertim Hispaniae et Americae latinae, plurium Capitulorum

cathedralium, superiorissae generalis cum suo Consilio generali Instituti

Carmelitidum a Caritate, plurium religiosarum Communitatum civitatis

Vicen., die 12 mensis huius in Ordinario Sacrae Rituum Congregationis

coetu, ab Emo ac Rmo D. Cardinali Aloisio Sincero, Causae Relatore, pro-

positum fuit dubium: An sit signanda Commissio introductionis causae in

casu et ad effectum de quo agitur. Emi ac Rmi Patres, audita Emi Ponentis

relatione, audito quoque officialium Praelatorum voto, scripto lato, nec

non R. P.D. Salvatore Natucci Fidei Promotore generali, omnibus perpen-

sis, rescribendum censuerunt: Affirmative seu signandam esse Commissionem

introductionis causae, si /Sanctissimo placuerit.

Facta autem subsignata die Sanctissimo Domino nostro Pio Papae XI

relatione ab infrascripto Sacrae Rituum Congregationis Praefecto, Sanctitas

Sua Sacrae Rituum Congregationis rescriptum ratum habens, propria

manu Commissionem introductionis causae Paulae Delpuig a S. Aloisio

antistitae generalis Instituti Carmelitidum a Caritate, signare dignata est.

Die 13 Aprilis anno Domini 1932.

L . © S.

C . C A R D . L A U R E N T I , Praefectus.

A. Carinci, Secretarius.