IANUEN. 283

Animadvertendum praeterea est, notant patroni, quod Canonicus Salinero testimonium reddit, nullam expensam a massariis B. Mariae a Guardia fieri posse, absque venia Re- ctoris S. Bartholomaei, cui tenebantur illi expensae pecuniae rationem reddere. Item ex inscripto lapide, qui olim in fronte templi B. Mariae a Guardia extabat, constat templum ipsum annis 1634 et 1635 instaurandum cura visse Rectorem Li- vellati cum massariis. Ac paulo post ab archiepiscopali curia ianuensi edictum prodiit, quo vetabatur ullam in eo templo fieri aedificationem, nisi consensus praedicti Rectoris acces- sisset, quod si renuissent massarii in potestate esse Rectoris, cum ipsi Rectori facultas tribuebatur duos alios Officiales, seu Massarios loco reluctantium pro reliquo tempore eli- gendi. Hinc, cum anno 1643 turris templi B. Mariae a Guardia fulmine icta magnum passa esset detrimentum, Rector S. Bartholomaei decretum a curia ianuensi obtinuit, per quod ei facultas fiebat stipem colligendi, ad turrim in- staurandam : nec in eo decreto ulla de massariis Dominae Nostrae a Guardia fit mentio.

Quum festis diebus una tantum missa, observant ora- tores, in templo B. Mariae a Guardia celebraretur, et hoc perincommodum extaret populo, qui templum celebrabat (non enim omnes eadem hora convenire solebant) ; Rector Livellati facultatem ab Archiepiscopo petiit, ut liceret binas singulis festis diebus missas celebrare. Atque Archiepiscopus, petitam facultatem concedens, litteras inscripsit : Admodum R. Do- mino, uti fratri, Sac. Francisco Maria Bacigalupi Livellati Rectori.

Praeterea, aiunt patroni, a primordiis templi B. Mariae a Guardia ius Rectoris S. Bartholomaei competebat partem quamdam oblationum, quae in templo illo a fidelibus fiebant, suam facere. Hinc decernitur in compositione anni 1626 : ut quod ex dictis oblationibus (post deductam mercedem ca- pellani) superesset in quatuor partes aequales divideretur quarum una dictarum Ecclesiarum Rectori pro tempore tri- buenda esset.