284 COMPENDIUM VITAE

Tribus hisce Miraculis Pontificio Decreto sancitis iterum in sacrorum Rituum Congregatione Generali quarto nonas Iunii an- no 1859 coram Pio Papa IX in Aedibus Vaticanis habita , quum laudatus Cardinalis Patrizi s. Rituum Congregationi Praefectus et Causae Relator Dubium proposuisset: An stante Virtutum et trium Miraculorum approbatione, tuto procedi possit ad Ven. Servi Dei Beatificationem f ab omnibus suffragantibus affirmativa prolata est responsio. Qua perspecta, Pontifex memoratus , decimo octavo kalendas Septembris, die festo scilicet Assumptionis Beatae Mariae Virginis , eiusdem anni in Patriarchali Basilica Liberiana supre- mam ac definitivam sententiam suam solemniter pandidit ac pro- nunciavit u Tuto procedi posse ad Ven. Servi Dei Benedicti Io- sephi Labre Solemnem Beatificationem ».

Decimo igitur kalendas Iunias, Dominica nempe infra Octavam Ascensionis Domini nostri Iesu Christi, in Basilica Vaticana Bea- tificationis solemnia celebrata fuerunt ac vix Beati Benedicti Iose- phi Labre imago, remoto velamine, caelitum splendoribus circum- data apparuit, nova portenta a Deo eius interventu patrata sunt, ut hominibus, qui caelestibus posthabitis thesauris, fallaces saeculi divitias et voluptates veluti unicum sibi finem proponentes, ad eas comparandas omnes exerunt vires, splendidius pateret , quantum gloriae fastigium sit in caelis adeptus pauper Dei Servus et hu- milis. Ex iis autem portentis duo praeclariora selecta, sacrae Ri- tuum Congregationis iudicio subiecta sunt.

Hinc signata a sa: me: Pio Papa IX. Commissione reassumptio- nis Causae, de iisdem Miraculis Apostolici Processus statim conditi sunt. Miracula autem fuerunt huiusmodi, nimirum:

L Infirmo corporis habitu ac lymphatico temperamento prae- dita Theresia Massetti Romana complures passa est labente aetate aegritudines, quarum nonnullae vitiosam sanguinis dyscrasiam lu- culenter portendebant. Anno 1859 aetatis suae quadragesimo tertio iam expleto, dolorem persensit in uberibus ita vehementem, ut ad dorsum usque extenderetur. Viri artis medicae peritissimi arcessiti statim intellexerunt rem ad stadium cancri occulti devenisse ac in abscissione dumtaxat spem salutis esse repositam : hinc dexteram mammillam, graviorem in se morbum ostendentem, inciderunt. At infestum cancer alteram mamillam aggreditur, et unius anni spa- tio tantas adeptus est vires ut peiorem quam alter indolem pro- deret. Ad ferrum iterum confugere , non remedium , sed inanem cruciatum fore medici testati sunt; mors itaque ineluctabiliter im-