284 VERONEN.

Pariter neque negotium facessere ait legem 5 ff. de iu- dic, quae cavet: « Si quis ex aliena iurisdictione, ad prae- > torem vocetur debet venire, ut Pomponius et Vindius » scripserunt: praetoris est enim aestimare, an sua sit » iurisdictio: vocati autem , non contemnere auctoritatem » praetoris. » Dispositio enim citatae legis minime obtinet, quando iudicis incompetentia est certa, ceu videtur in the- mate, sed tantummodo in casibus dubiis; Leuren, loc. cit. quaest. 47.

Post haec praeiudicialia, quoad primum seu quoad nul- litatem matrimonii ob viri impotentiam testimoniis archia- trorum iudicialium et extraiudicialium saepe dictam viri impotentiam asserentium opponit testimonium periti Gio- vanardi, qui contra conclusionem medici Lazzaretti con- tendebat, quod si mulieris virginitas manifesta erat, impo- tentia vicissim Iosephi nec manifesta, nec absoluta , nec perpetua, nec matrimonio anterior erat. Quo vero ad obste- tricum testimonia perpendit primum , actricem haud per- mansisse in balneo tepentis aquae per spatium saltem trium horae quadrantium, sed tantum momenta quadraginta. De- inde obstetrices scriptam haud emisisse relationem prouti cavetur Instruct. S. H. O. diei 22 Augusti 1840 §. de- signata; sed tantummodo respondisse oretenus ad interro- gatoria. Postremo, dato etiam quod actrix virgo permanse- rit, non tamen ex hoc viri impotentiam statim deduci posse.

Nec actrici succurrere fas esse per remedium gratiae, h. e. per dispensationem a matrimonio rato et non con- summato; etenim acta processus non nisi matrimonii nul- litatem respiciunt. Hinc admissa quidem viri contumacia quoad iudicium nullitatis matrimonii; minime tamen id ob- tinere posse quoad dispensationem super matrimonio rato et non consummato. Hisce addit praefatam dispensationem prae- tergredi petita, siquidem ex facto constare, quod oratrix a summo Principe imploravit, ut, ex plenitudine potestatis ligandi atque solvendi a Deo receptae, solemne Fidei et re- ligionis vinculum irritum ac nullum declararet.