274. (11.) In Revelatione S. Privati.
Prosa III.

1 a. Urbs bona Mimatensium,
Tota vivas in gaudium,
Oh, tota sis in canere,

1b. Deus, deorum dominus,
Providit tibi eminus

Thesaurum tuum reddere.

2 a. De novo nunc recuperas
Thesaurum, quem perdideras,
[Laeta] rumpe silentia,

2 b. In organis et cantibus

Et in Privati laudibus

Declara tua gaudia.

3 a. Haec dies est laetitiae,
Hoc est beatum hodie,
Quo nos Privatus visitat,

3 b. Haec dies exsultatio
Et tota iubilatio,

Haec dies nos laetificat.

4 a. Hac die revelatio

Celebranda cum gaudio
Fit nostri sancti praesulis,

4b. Cuius sancta miracula
Sunt canenda per saecula
Cunctis in bonum sedulis.

5 a. Venit mater cum filio
Arrepto a daemonio

Hac die, hic nos vidimus,

5 b. Mater instando precibus
Commovit plebem fletibus,
Omnes sciunt, quod dicimus.

6 a. Surrexit in auxilium
Et fugavit daemonium
Sancti Privati gratia;

6 b. Privatus aegros reficit,
Ad se clamantes respicit
Mira cum efficacia.

7 a. Ipsum nobis canentibus
Et in ipso sperantibus
Donent sancti suffragia,

7 b. Ut per ista sollemnia
Consequamur caelestia,
Ubi pax est plenaria.