N ^ Acta P U Pp.'XI 285

mati, et cum ea ad omne caritatis opus parati, Parochis, Episcopis et ipsi

Summo Pontifici validum pro rerum adiunctis auxilium praeberent: actionis

catholicae nobile rudimentum. Unio haec, iam ab Apostolica Sede anno

millesimo octingentesimo septuagesimo sexto approbata, privilegiis et

indulgentiis ditata fuit; eique ipsi Decessores Nostri Pius Nonus et Leo

Tertiusdecimus sese inscribi voluerunt; itemque plurimi Sacrorum Antisti-

tes et S. B. E. Patres Cardinales, et innumeri christifideles, ita ut, Dei

Famulo adhuc vivente, Cooperatores, non in Italia solum, sed in omnibus

fere catholici orbis regionibus sparsi, ad octoginta fere millia, hodie vero,

uti refertur, ad decem centena millia et ultra, numerarentur, quorum auxi-

lio non modo Ioannes suae prodigia caritatis multiplica vit, sed, pietatis v

et divini cultus vindex ferventissime, multa quoque erexit sacella et sacras

aedes, quas inter duo magnificentissima templa, alterum Mariae Auxilia-

trici Augustae Taurinorum, alterum Sacratissimo Iesu Cordi in hac alma

Urbe ad Castrum Praetorium dicatum, vere utrumque admiratione et me-

moratu dignum.

Porro actuosa Piae utriusque a se conditae Societatis opera ac valido

quos memoravimus Cooperatorum auxilio, Ioannes primigenii taurinensis

hospitii instituta in Italiam et Europam propagavit et plures iam orbis

regiones, innumeris ubique conditis oratoriis, hospitiis, collegiis, sancta

sua operositate complexus est, novae iuventutis educator princeps, nova

prorsus, ut antea diximus, methodo, quae quidem in paedagogica disci-

plina vere excellentissimum ac tutissimum signavit iter. Spectabat namque

civilem ac socialem finem; quem tamen religioso subiiciebat, ex quo, uti

ex causa effectus difflueret, quum animabus aeternae.procurandae salutis

desiderio et zelo potissimum flagraret. Ordinatos istos caritatis sensus tum

leges ac regulae, tum ipsa educandi methodus, quae cum religiosa et morali

institutione arctissime connexae erant, in oratoriis, in hospitiis, in colle-

giis referebant. Iuxta divinum illud: Initium sapientiae timor Domini,

religio integram alumnorum vitam permeare debebat. Itaque in primis et

ante omnia iuvenes non modo christianae doctrinae rudimentis eruditos

voluit, verum etiam aptis sermonibus et instructionibus adversus neoteri-

corum christiani nominis hostium errores et insidias praemuniendos cura-

vit. Quorum vero fidem tutabatur, eosdem, tum sacramentorum frequen-

tiam commendando, tum aptis sodalitiis virtutum habitum inducendo et

illum mutui exempli apostolatum inter alumnos congruis industriis et insti-

tutis promovendo, in christianos sensus et mores omni cura informabat.

Quod vero ad moralem institutionem proprius et directius pertinet, ea

erat Servi Dei educandi methodus, quae assidua vigilantia, affabili sermone,