MONTIS REGALIS 285 ;

gravatam, pinguiorem ex beneficiis esse. Ideoque nihili fa- ciendum esse prospectum ab archipresbytero Eula exaratum, utpote vel in anno deficientiae peractum, vel affabre concin- natum, ut Gubernio occuparentur parochiae reditus ; quos in- super ab eo tempore summa circiter lib. 1000 quidam au- ctus fuisse asserunt.

Tandem in perdita hypothesi, quod archipresbyteri preces admitti velint, capitulum postulat, ut taxative determinentur officia parochialia, quae absentiam a choro, ad effectum lu - crandi distributiones, legitimam facere possunt, ne secus abu- sibus et ulterioribus quaestionibus via aperiatur.

Hisce omnibus utrinque adnotatis propositum fuit sequens.

D u b i u m

An in novis edendis capitularibus statutis inserendus sit articulus ab archipresbytero propositus, vel potius standum sit consuetudini in casu.

R E S O L U T I O . S . Congregatio Concilii, omnibus mature per- pensis, dubium dimittere censuit sequenti responso : Affirma- tive ad primam partem, negative ad secundam.

Ex QUIBUS C O L L I G E S . I. E X Conc. Trid. Sess. 22, cap. 3 De reform, dignitates vel canonici, quibus cura animarum imminet, pro tempore quo in curata ecclesia resederint ac ministraverint, tamquam praesentes ac divinis interesse in ecclesiis cathedralibus ac collegiatis haberi.

II. Hinc distributiones quotidianas tempori absentiae re- spondentes lucrari, tamquam si essent praesentes.

III. Iis tantum distributionibus et emolumentis exceptis, quae a voluntate testatorum debentur actu tantum praesen- tibus.

IV. Distributiones quotidianas, quae dantur ratione ser- vitii et interessentiae choro, in congruam canonici curati imputari debere.

V. Consuetudinem, ut legis vim obtineat, debere esse pacificam et legitime praescriptam.