282. De sancta Margareta.

la. Margaretae pretiosae
Virginisque gloriosae
Colimus martyrium.

1b. Margareta, Christi virgo,
Flagellata modo miro
Fuit per Olybrium

2 a. Hic profanus et iniquus
Iesu Christi inimicus
Virginem adloquitur:

2b. "O puella, quid vocaris,
Quae decore sic ditaris,
Et a te quis colitur ?"

3 a. Virgo sancta dat responsum
Dicens Christum suum spon-
sum
Et caelorum Dominum.

3 b. Statim ille ut vir vanus
Prae amore fit insanus
Expetens coniugium.

4 a. Virgo spernit nec obaudit,
Ipsam durus carcer claudit,
Quam temptat diabolos.

4 b. Daemon venit in serpentem,
Sed haec eius exit ventrem
Sic illaesa penitus.

5 a. Quae de ipso triumphavit
Et in terram conculcavit
Suis sanctis pedibus.

5 b. Virgo Christi Christum orat,
Et, dum draco ipsam vorat,
Statim crepit medius.

6 a. Ferro tandem iugulatur,
Angelorum sociatur
Coetibus in gloria;

6 b. Quam concedat nobis Christus,
Qui a patre nobis missus
Renovavit omnia.