286 VRHBOSNEN.

siae et domus parochialis hisce locis, in iure canonico mi- nime fundata esse videtur, quippe quod statuit, peculium ecclesiae impendi posse tantum in fines, in quos destinatum est; qui finis nostro in casu non alius est, nisi decor et conservatio ecclesiae cathedralis; neque haec ecclesia, qua mater, obligari posset ad contribuendum quidquam pro filia, quae non tantum non existit, sed nulla spes affulget, fore ut proximo tempore sit extitura. >

Ad functiones sacras devenientes canonici ultro admit- tunt earum celebrationem diebus solemnioribus, ut Archie- piscopus statuit, ad capitulum utpote ad ecclesiae cathedralis rectorem pertinere. Attamen subdunt: « quod duae e fun- ctionibus praedictis, benedictio scilicet Candelarum et illa palmarum, si ius per id non laederetur, ratione habita ad concursum populi, a parocho opportunius quam a capitulo peragerentur. > Quam rationem et pro processionibus in fe- sto s. Marci et tribus diebus Rogationum valere putant.

Demum quoad eam partem decreti tit. VI cap. 1, ubi legitur: « 1. Cantabit, capitulum, missam conventualem diebus dominicis, solemnem autem diebus festivis, quibus Archiepiscopus non celebrat: 2. Solemnioribus diebus canta- bit quoque Matutinum cum Laudibus et vesperas divini of- ficii, quando in choro clerici aderunt, » haec animadvertunt: « Canonici Vrhbosnenses usque ad hodiernum diem quotidie omnes partes officii clara, alta voce, tono uniformi, per mo- dum psalmodiae recitabant. Missam quoque conventualem quotidie : unam videlicet, vel duas, aut tres secundum prae- scriptiones ecclesiasticas, celebrant. Canonicis omnibus per- suasum semper erat, aliquantulam hanc discrepantiam a nor- mis generalibus licitam indubitanter esse : eo quod licentiae inniteretur, quae a Sancta Sede die 26 Aprilis anno 1883 num. 4 9 / c (S. Congr. Sacr. Rituum) capitulo concessa fuit, ubi dicitur: a canonicis de more recitantur (vel cantantur) horae minores, cantaturque (vel legitur) missa conventua- lis. Licentiae huic in statutis a capi TU io postea conditis et ab illustrissimo Ordinario approbatis, locus datus est. Plu-