286 Ex S. Congregatione Concilii

Duplex enim mihi additum videtur necessarium, prose-

quitur ipse, seu consilium praestandum SSmo, at primum cum

addi to: praevia sanatione actorum: secundo vero cum alio

addito, seu consilium praestandum pro dispensatione, attamen

ad cautelam. Ratio prioris additi, seu praevia sanatione acto-

rum ad cautelam, est quia Curia S. Salvatoris in Brasilia pro-

cessum conficiendum mandavit, servata quidem forma sueta

de iudice quaesitore procedente adstantibus actuario et Defen-

sore vinculi, at haec omnia praestitit marte suo, seu quin

praecesserit debita delegatio ex parte S. C. C. Notum quippe

est posse Episcopos procedere in causis nullitatis coniugii

iure proprio, at egere auctoritate SSmi ut procedant in cau-

sis dispensationis super matrimonio rato et non consum-

mato ( i ) . Ratio vero secundi additi est, ne quasi videatur

tacite firmare, quae minus recte scripsit Consultor quoad im-

pedimentum aetatis. In primis ipse ponit ex actis patentis-

sime liquere Caiam nondum explevisse, imo forsan nec at-

t igisse aetatis annum duodecimum tempore celebrationis, et

tamen supponit fieri posse in casu locum dispensationi super

matrimonio rato. Verum hoc pugnat in terminis, quum dis-

pensationi super matrimonio rato tunc solum certo certius

fieri possit locus, quando matrimonium ad summum est dubie

validum. Profecto nescio quomodo haec componantur seu

componi possint: ex actis evidentissime constat matrimonium

fuisse contractum a persona inhabili ob defectum aetatis....,

tamen supplicandum SSmo pro dispensatione.

Verum in egregi i Consultoris mente, prosequitur Defensor

sacri vinculi, haec quidem conciliari posse videntur attentis

(i) Attamen Episcopis licet, absque speciali S. Sedis delegatione, processum instituere super nullitate matrimonii, si una simul cum instantia de nullitate matrimonii cumuletur etiam instantia de eiusdem inconsummatione. Tunc enim absoluto processu ex capite nullitatis eaque iuridice non probata, acta proces- sus ad S. C. C. transmittuntur in ordine ad dispensationem SSmi efflagitandam super matrimonio rato et non consummato (N. R.).