283. De sancta Margareta.

la. Christianae Margaretae
Sollemnizent plebes laetae
Sancta natalitia,

1 b. Teneris sub annis mundi
Blandimenta furibundi
Quae trivit inania.

2 a. Post decessum genetricis

Ampliori fit nutricis

Fota desiderio.

2 b. In arcana cordis cella
Cultrix Messiae puella
Patre fuit nescio.

3 a. Hanc, alumna dum moratur,
Praeses atrox contemplatur
In pascendis ovibus.

3 b. Quae sit, prompte requisivit

Ac in coniugem petivit

Missisque militibus.

4a. Sed accensa zelo Dei:

"Miserere", promit, "mei,
Rex caelorum, Domine,

4 b. Inquinari margarita
Tibi caste custodita
Ne queat ab nomine."

5 a. Haec relatus ut Quiritum
Sparsit pernix in auditum
Minacis Olybrii,

5 b. Debacchatur more ferae,
Taetri mandans illam serae
Servent ut hospitii.

6 a. Lampas vaga cum Phoebea
Pressit astra, constans ea
Tribunali iudicis

6 b. Sistitur, sed consentire
Sprevit ipsi, torquent dire
Manus hanc carnificis.

7 a. Insudant tortores magis,
Infliguntur plagae plagis,
Unda manat sanguinis.

7 b. Intuens haec gens terretur
Circumfusa, nec movetur
Stabile cor virginis.

8 a. Iterato glorioso

Vase clauso tenebroso
Carceris ergastulo

8 b. Rufo vorax fit prostratus
Et antroso vinculatus
Velox in latibulo.

9 a. Demum virgo passa pura,
Dum tormenta forent plura,
Demandat Olybrius,

9 b. Ut in arvis excepbetur;
Astat Malchus, et completur
Quod adflavit impius.

10 a. Subiit priusquam necem,
Pro salute prona precem
Fudit se colentium ;

10 b. Vox profatur: "Ne turberis,
Postulata consequeris,
Poli scande solium;

11 a. Vi supplosa passionis

Triumphalis contionis

Serto decoraberis,"

11b. Tuae sequi palmae festa
Mole celebrant a maesta
Liberentur sceleris.

12a. Virgo clemens, Margareta,
Mundi fac nos inter freta
Vitam puram ducere

12 b. Ac exempla per iustorum,
Philargiae contemptorum,
Iugiter incedere.

13 a. Ut post huius incolatum
Vitae per te complacatum
Sentientes iudicem

13 b. Regi laudes et reginae
Modulemur sine fine
Caeli super apicem.