AGRIGENTINA 287

Deo volitum existiman tem ; sed virum saevitiis, durisque quibus usus est erga se modis, impulisse, ut separationis iu- dicium iniret.

Examini quoque subiecta fuit septima mulieris manus, cuius praecipuus testis fuit maior actricis soror nomine Castrensa, quae, praemisso, sibi notum esse, Antonium Va- lenza semper duxisse vitam irreligiosam, testata est, soro- rem Mariam sibi narrasse saevitias mariti, atque addidisse copulam carnalem pluries regulariter perfectam fuisse, sed evitatam prolis generationem ab Antonio, qui se retrahendo extra vas turpiter semen effundebat.

Ad haec Castrensa adiecit, praecipuam discordiarum cau- sam, in eo sitam esse quod Antonius cum alia muliere ni- mium familiariter utebatur; nunc vero suam sororem iudi- cium nullitatis matrimonii introduxisse, eo quod alteri nubere in votis habet.

Post haec ad corporalem mulieris inspectionem deventum est, ad quam peragendam tres a tribunali fuerunt electae obstetrices, quae a medicis instructae, praemisso balneo, mu- nere suo iunctae sunt. Examine peracto, omnes laceratio- nem hymenis unanimiter admiserunt, sed in iudicio ferendo de virginitate aliisque adiunctis, in diversas abierunt sen- tentias. Hinc et medici suum iudicium proferre non posse dixerunt eo quod obstetricum responsiones contradictoriae erant, neque observatae fuerant instructiones ab ipsis datae.

Tunc iudex iterandam]¡censuit inspectionem per peritiores obstetrices vel per medicos ; verum actrix omnino obstitit, noluitque se subiicere novae inspectioni.

In hoc statu Consultoribus S. Congregationis Concilii quaestio subiecta fuit ; atque Theologus censuit dubiam esse non consummationem matrimonii, ideoque supervacaneam esse investigationem de causis dispensationis; canonista putavit constare de matrimonii consummatione, et ideo minime con- sulendum SSmo, ut dispenset super hoc matrimonio ; quas opiniones vinculi matrimonialis officiosus defensor accepta- vit suasque fecit.