IANUEN. 287

berto anno 1844 approbatas, in quibus item legitur quod ele- ctio Capellani, Sanctuarii custodis, ad Ordinarium pertinet.

Nec relevat quod in novis constitutionibus adsit art. 21, qui in veteribus constitutionibus non aderat, praescribens quidquid ad cultus servitium pertinet sub Cappellani cu- stodis moderamine permanere debere, salvis massariorum dispositionibus ; reponunt enim Oratores quod praeterquam- quod non poterat Praepositus per novas constitutiones iure suo orbari, quod tam validis fundamentis innitebatur, et non multos ante annos solemni transactione confirmatum fuerat, articulus ille iuri Praepositi non opponitur. Per eum enim capellanus seu Rector templi B. Mariae a Guardia massa- riorum potestati subiicitur, etiam in iis, quae ad cultum spectant. Fas igitur est massariis iubere, ut semel saltem in anno sacrae functiones, iuxta antiquum morem, fiant in templo B. Mariae a Guardia a Praeposito S. Bartholomaei Livellati. Quod si eis liceat, hoc ipso etiam tenentur ita facere : id enim se praestaturos promiserunt in transactione anni 1873. Quibus positis, concludunt patroni, nihil in novis constitutionibus potest deprehendi, per quod ius Praepositi excludatur.

Praeterea, advertunt Oratores, Archiepiscopi decretum vehementer detestati sunt qui incolunt vicinia Montis-Fi- cogna, quare vix in paroecia Livellati decretum Archiepi- scopi Magnasco diei 20 Maii 1890 cognitum fuit, magna statim coorta est animorum aestuatio, ita ut magnopere pertimescendum esset, ne exacerbati cives ad tumultus et violentias discurrerent, et tantum prudentiae Praepositi de- beatur, si nihil ab eis inconsulte, nihil seditiose ac turbu- lenter sit gestum. Ipse enim die dominica frequentes paroe- cianos suos in templo alloquutus, eos adhortatus est, ut turbis abstinerent: non enim per vim, sed per iuris sole- mnitatem a iudice superiore controversiam illam esse diri- mendam : negotium in se suscepturum se esse, praestatu- rumque ut paroeciae et parochi iura sarta tecta forent.

Demum gradum facientes patroni ad quaestionem circa