288 Restitutionis in integrum et nullitatis Professionis

Ad IL Consulendum Sanctissimum pro dispensatione voto- rum ad cautelam.

Ex QUIBUS COLLIGES:

I. Vim metumve gravem cadentem in constantem virum ipso iure nullam reddere religiosam professionem, sicut et matrimonium.

II. Timorem, quem reverentialem appellamus, consistere in vi, quae licet non inferatur violentis repentinisque modis, eo tamen modo infertur, qui, habita personarum et adiun- ctorum ratione, similem effectum in animo patientis producat.

III. Quare, cum non modus, quo vis inferatur, professionem vel etiam matrimonium nullum reddat, sed coactio in animo patientis ex vi illata resultans, quae adigat nolentem ad pro- fitendum; reverentialem timorem sicut et vim apertam reddere nullam professionem.

IV. Quare frustra quaeri, an ad reverentialem timorem constituendum necessariae sint nec ne atroces minae, permis- siones, etc., quando constet meticulosam personam ita fuisse circumventam, ut contra voluntatem expressam adacta fuerit profiteri.

V. In themate, Mariam, versatilis ingenii puellam, tum ex firmo desiderio patris, tum praesertim ex continuis blanditiis monialium cognatione sibi iunctarum, ita fuisse circumventam, ut vis eius inconstans, quamquam repentinis iracundiae femi- neae motibus excitata, non valeret eam removere a via, in qua ab infantia posita fuerat, quamque validis blanditiarum laqueis fuerat prosecuta, usque ad professionis actum, quem efficaciter repudiare non valuit. 1

VI. In eiusmodi rerum adiunctis professionem esse nullam, quamvis S. Congregatio ob difficultates in facto occurrentes tutius existimaverit consulere ad cautelam SSmum, ut dispen- sarci.

1 Haec causa similis est illi, quam retuli in vol. I, pag. 471 et seqq.