277. (8.) De Beata Maria V.

1 a. Ad pedes benignitatis
Tuae, mater pietatis,
Provolutus iaceo;

1 b. Nisi tuae largitatis

Opem feras, quam renatis
Ferre soles, pereo.

2 a. Vitiorum sum oppressus
Mole, multis sum obsessus
Hostium insidiis.

2 b. Ratio iacet sopita,
Caro punit irretita
Pristinis deliciis.

3 a. Heu, quid agam, quo mevertam ?
Sed, dum queror, ecce, certam
Nanciscor fiduciam.

3 b. In te fido, mater Dei,
Ad te venientes rei
Consequuntur veniam.

4 a. Ab antiqui Pharaonis
Manu, mater Salomonis,
Potenter tulisti

4 b. Theophilum, quem orantem

Fletu genas irrigantem

Libens exaudisti.

5 a. Munitum capitibus

Septem, decem cornibus,
Draconem vicisti,

5 b. Ut vilis apostata

Saevus saeva in fata
Cederet, iussisti.

6 a. Dum in lucem prodiisti
Rutilans aurora,
Quando solem concepisti,

Ut luna decora,
Electa ut sol fuisti
In assumptione.

6 b. Tu salutis fundamentum,
Tu salutis portus,
Matrum decus, ornamentum

Et conclusus hortus,

Nostrae spei firmamentum,

Corona coronae.

7 a. Mundo nata mater munda,
In peccatis natos munda,
Spes, salus, solacium,

7 a. In hoc mari procellarum,
In hac valle lacrimarum
Nobis da subsidium.