Breve Leonis XIII 289

SSmi D. N. Leonis Papae XIII Breve, quo editio Gradualis Romani, iam confecta, nec non Antiphonarii et Psalterii iam aggressa ab equite Friderico Pustet probatur et authen- tica declaratur.

L E O P P . X I I I .

DILECTE FILI, SALUTEM ET APOSTOLICAM BENEDICTIONEM.

Sacrorum concentuum dignitati consulere, potissimum vero Gre- goriani Cantus uniformitati providere semper summis Pontificibus curae fuit. Quapropter peculiari benevolentia ac laudibus eos viros prosequuti sunt qui ad tam salubre ecclesiastici cantus institutum propagandum in choricis Romanae Ecclesiae libris accurate edendis artis typographicae subsidium contulerunt. Hac ratione Pius IX. Praedecessor Noster tecum, Dilecte Fili, se gerere non dubitavit, quod cum Typographi summi Pontificis et Congregationis SS. Rituum titulo insignitus sis, Gradualis, quod vocant, Romani editionem accu- ratissimam, iuxta normas ab memorata SS. Rituum Congregatione tibi praescriptas, ad exitum feliciter perduxeris. Nunc vero pari studio ac diligentia, ut inchoatum olim a fel. mem. Paulo V. Praede- cessore Nostro opus perficeres, Antiphonarii ac Psalterii universi cum cantu editionem, iuxta praedictas normas, ea servata ratione, quae in Romana Aula viget, adornare aggressus es. Cuius operis cum pars continens horas diurnas iam absoluta sit, aequum plane est, ut curam industriamque tuam ea in re collocatam commendemus. « Itaque memoratam editionem a Viris ecclesiasticis cantus apprime «peritis, ad id a SS. Rituum Congregatione deputatis revisam, « probamus, atque authenticam declaramus, Reverendissimis loco- « rum Ordinariis, caeterisque, quibus Musices Sacrae cura est vehe- « menter commendamus: id potissimum spectantes, ut sic cunctis in « locis ac Dioecesibus, cum in coeteris, quae ad Sacram Liturgiam « pertinent, tum etiam in cantu, una eademque ratio servetur, qua « Romana utitur Ecclesia ». Praetera iura omnia et privilegia, quae ob ecclesiasticorum librorum a te peractas editiones, ab hac Sancta Sede per SS. Rituum Congregationem, concessa tibi fuerunt, hisce Litteris confirmamus, iterumque, si opus fuerit, elargimur, ad cer- tissimum benevolentiae Nostrae pignus Apostolicam Benedictionem tibi, tuisque omnibus peramanter impertimur.

Datum Romae apud Sanctum Petrum sub Annulo Piscatoris die xv novembris JMDCCCLXXVIII. Pontificatus Nostri Anno Primo.

Pr. D. Card. ASQUINIO.

L. $ S. D. Jacobini, Substitutus.

Acta, tom. XI, fase. CXXVI. 19