LITTERAE

289

Ssmi. D. N. Leonis Papae XIII quibus iurisdictio spiritualis et titulus Episcopi Tornacensis absolute adimuntur Praesuli Edmundo Du- mont.

LEO EPISCOPUS

SERVUS SERVORUM DEI AD PERPETUAM REI MEMORIAM

Nondum elapsus est annus, ex quo, multis eisque gravissimis causis permoti, Decreto a sacra Congregatione Episcoporum et Regularium ne- gotiis praeposita, die vigesima secunda mense novembri superioris anni millesimi octingentisimi septuagesimo noni lato, exercitium omnis iuiis- dictionis in spiritualibus sive in temporalibus in Dioecesi Tornacensi, pro bono animarum, et illius Ecclesiae ordine et tranquillitate, adimere debuimus Reverendo Patri Domino Edmundo Dumont, illius Dioecesis Episcopo, eodemque tempore plenam iurisdictionem in eamdem Dioe- cesim Apostolico Administratori ad nutum sanctae Sedis tribuimus. Nunc vero, quod summopere dolemus, ulterius progredi cogimur, ut reme- dium potens et efficax, suprema Auctoritate Nostra paremus malis et scandalis quae, auctore praedicto Praesule, Dioecesim Tornacensem mi- serrime perturbant. Ex. indubiis enim relationibus, quae undique a fi- delibus et a Clero dioecesano, praesertim Cathedralis Ecclesiae, nec non ab omnibus Belgicae regionis Episcopis, ad Nos pervenerunt, simulque ex ipsa factorum notorietate, plane comperimus quam male se gerat praefatus Episcopus, qui a pluribus mensibus in eam perturbati animi et inordinatae conversationis conditionem devenit, ut verbo et scripto clamare et acerbe inveni non cesset contra supramemoratum Decretum, quique insuper petra offensionis effectus, consensione inita cum scripto- ribus Catholicae Ecclesiae infensissimis, etiam per publicas ephemerides fere quotidie convicia et iniurias ingerere non desinit, fideles ad eam- dem improbitatem excitat, et contumeliose in viros ecclesiastica digni- tate conspicuos, in Nos etiam, prolatis verbis, et legitimis canonicae interdictionis effectibus, etiam per recursum ad saecularia tribunalia, obfirmate obsistit. Quapropter, Nos serio recogitantes quam gravis hinc

Atta, tom. XIII, fase. OLI. 19