290 Acta Apostolicae Sedis - Commentarium Officiale

de alia mira sanatione, quam, eodem Beato intercedente, Augustae Tauri-

norum Deus operatus esse dicebatur, processus confectus est.

Prior sanatio ita evenisse narratur: Arma Maccolini, ab Octobri mense,

anno millesimo nongentesimo trigesimo, influentiali bronco-pulmonite fuit

affecta, quae usque ad februarium mensem sequentis anni perduravit.

Circa medium Decembrem mensem eiusdem anni morbo huic phlébites in

sinistro crure et coxa accessit, qui morbus adeo in integrum artum inva-

serai, ut is duplo maior appareret, sublato motu. Porro phlébites, vel in

iuvenibus gravis, in senibus autem multo gravior est ob gangrenae discri-

men ex arteriosclerosi. Unde duo curantes medici, qui in edicenda diagnosi

concordabant, perpensa infirmae septuaginta quatuor annorum aetate et

praesertim influentiali affectione, prognosim fere certo infaustam quoad

ipsam vitam infirmae edidere: impossibilem autem esse phlebitis sanatio-

nem in instanti omnes rei medicae magistri docent. Iamvero Arma nocte

quadam sub eiusdem anni finem, invocato Beato Ioanne Bosco per tridua-

nas preces et per particulae ex eius reliquiis artui appositionem, in instanti

et perfecte a phlébite sanata est, artu non amplius dolente nec turgido,

liber factus est motus, libera flexio. Perfectam esse sanationem, praeter

curantes medicos, periti physici, qui Annam iterum atque iterum plures

post menses inspexerunt, testati sunt; itemque tres a Sacra Bituum Congre-

gatione adlecti periti in diagnosim, prognosim et in miraculum agnoscen-

dum unanimiter convenerunt.

Altera sanatio, quae, uti diximus, Augustae Taurinorum facta est, ita

evenisse narratur: Catharina Lanfranchi, Alexandri Pilenga uxor, arthritica

diathesi afficiebatur. Arthrites genua praecipue et pedes attigerat cum orga-

nicis laesionibus, et quidem sub gravissima forma, ad functionem quod

attinet, non autem ad vitam. Incassum curationibus omnibus cedentibus,

quas ab anno millesimo nongentesimo tertio adhibuerat, Lapurdum bis ac-

cessit, sed cum ne secunda quidem vice, Maio mense ineunte anni millesimi

nongentesimi trigesimi primi, sanationem a Beata Virgine obtinuisset, an-

tequam Lapurdo proficisceretur, Eamdem sic est deprecata: « Quoniam hic,

Lapurdi, sanata non sum, da saltem ob religionem, qua erga Beatum Ioannem

Bosco teneor, ipse meam sanationem Taurini valeat obtinere ». E Gallia

redux, dum iisdem versabatur conditionibus, die sexta Maii ad Taurinen-

sem Beatae Mariae Virginis Christianorum Auxiliatricis Basilicam accedit;

a sorore et ab auriga adiuta de curru descendit, in templum ingreditur et

contra urnam, Beati Ioannis corpus continentem, sedet et orat. Paulo au-

tem post per viginti circiter horae momenta genuflexa manet. Surgit, ad

altare Beatae Virginis accedit, iterum genua nectit. Tunc veluti in se rer