290 Oneris Missarum

ut sibi supersint decem oboli frro singulis Missis et ut possint quoque ordinari titulo huius perpetuae capellaniae.

Non constat in facto quot singillatim essent redditus huius capellaniae tempore fundationis: eruitur tamen, eos satis gene- ratim fuisse ad congruum S. Ordinationis titulum subductis Missis festivis et ferialibus. Constat vero ex administratione decennali ab anno 1786 ad 1796 (quod administrationis docu- mentum est unicum repertum) eleemosynam pro Missis diebus festis celebratis fuisse obolorum sexdecim ; et pro Missis feria- libus obolorum io . Deinceps vero, sive ex neglectis fundis, sive ex augmento eleemosynae Missarum, sive ex utraque causa, non amplius videntur redditus fecisse satis voluntati fundatoris.

Sane anno 1819 quidam Andreas, eiusdem familiae M, legavit scutata 309, ut dictae capellaniae adiungerentur, inve- stienda in libero fundo, ut Capellanus haberet maiorem con- gruam portionem. Quae tamen pecuniae vis nunquam ab hae- redibus fuit investita, quique etiam solvere fructus hodierno Capellano recusarunt.

Praeterea anno 1849 quidam Franciscus B, qua pater et tutor impuberis filii Aloisii, qui ad dictam capellaniam fuerat rite nominatus, institit pro onerum reductione, ut ex hac capel- lanía praeter congruam portionem canonicam percipere posset aliquod auxilium pro ecclesiastica filii educatione: et Rescri- ptum obtinuit ad triennium, quo tempore Missae redactae fuerunt ad eas, quae tantum diebus festis celebrabantur.

Anno 1853 Aloisio B successit Vincentius B, cui, ob minorem aetatem decreto Episcopi datus fuit Presbyter ad- ministrator, qui diligenter administravit capellaniam usque ad annum 1862, quique tamen, cum haud animad vertisset ces- satum Indulti tempus, Missas diebus tantum festis celebrare facere perrexit. Quin immo, ipsemet Vincentius B, minori aetate superata, et ab administratione solutus, eadem ratione, ex bona fide curavit onerum adimplementum usque ad an- num 1866.