290 LITTERAE

necessitas urgeat ut maximae huiusmodi ecclesiasticae iurisdictionis per- turbationi finis tandem imponatur, et quam stricte teneamur saluti ani- marum in ea Dioecesi sollicite providere, universam factorum seriem examini subiiciendam decrevimus specialis a Nobis selectae nonnullorum sanctae Romanae Ecclesiae Cardinalium e gremio sacri Consilii Episco- porum et Regularium Congregationis. Quae quidem specialis Congrega- tio, postquam omnia superius enunciata perpenderit, simulque actis omnibus et documentis scite et diligenter ad trutinam revocatis animad- verterit praefatum Praesulem titulo, quo adhuc boneslatur, Tornacensis Episcopi, in ecclesiastici ordinis dedecus, in scandalum et ruinam po- puli fidelis abuti, expendendum sibi proposuit num res in eum casum devenerit, ut, confirmato Decreto lato die vigesima secunda novembris anno millesimo octingentesimo septuagesimo nono, quaevis iurisdictio, sive in spiritualibus sive in temporalibus, in Dioecesi Tornacensi abso- lute et in perpetuum Praesuli Edmundo Dumont, etiam per privationem tituli illius Ecclesiae, revocari et adimi deberet. Itaque, in conventu die decima secunda currentis mensis octobris habito, praedictum Praesulem, sive per animi sui constan!em et in dies magis ingravescentem pertur- bationem, sive per ea quae exinde scandalo fidelium et maximo anima- rum periculo consecuta sunt, iudicio etiam omnium Belgici Regni Epi- scoporum, imparem omnino effectum esse regimini episcopali Torna- censis Ecclesiae sustinendo, et canonicae irregularitas" dudum obnoxium arbitrata est, ac proinde in affirmativam propositae quaestionis senten- tiam devenit. Nos igitur, de ipsius specialis Congregationis consilio et voto rursus tam gravi negotio mature perpenso, ex plenitudine Aposto- licae Potestatis, Motu Proprio, aegro licet animo, hisce Manu Nostra signatis Uteris iurisdictionem omnem, sive in spiritualibus, sive in tem- poralibus, in Dioecesi Tornacensi Praesuli Edmundo Dumont absolute et in perpetuum interdicimus et revocamus, eidemque Praesuli titulum Episcopi Ecclesiae Tornacensis per privationem adimimus et ademptum esse declaramus, decernentes pariter praedictum Praesulem a quovis peculiari vinculo, quod ipsi ex Apostolicis collationis Literis datis decimo kalendas novembris anno incarnationis Dominicae millesimo octingente- simo septuagesimo secundo provenit cum Ecclesia Tornacensi, solutum per Nos esse et relaxatum. Mandamus denique has Nostras Literas no- tificari debere, tum Praesuli Edmundo Dumont, tum Capitulo Cathedrali, tum etiam Administratori Apostolico Episcopo Eumeniensi in partibus Infidelium, quem in commisso eidem munere administrationis apostolicae Tornacensis Ecclesiae ad Nostrum beneplacitum confirmamus.

Praesentes vero Nostras literas et in eis contenta quaecumque, etiam ex eo quod quilibet in praemissis seu in eorum aliquo ius aut interesse