VRHBOSNEN. 291

canonicis quam a parocho, quia alibi ita fit; quia quibusdam ex istis functionibus Archiepiscopus praesens sit oportet, et minime esse videtur decens, ut Archiepiscopo et omnibus canonicis assistentibus v. g. diebus Purificationis, Palmarum, S. Marci, Rogationum parochus functiones obeat; quia hoc nequaquam est contrarium concursui populi, quum v. g. die- bus Rogationum processio semper fiat valde mane, quum- que iste concursus nequaquam minuatur, quando Archiepi- scopus diebus solemnioribus missam cantat non tempore missae parochialis, sed tempore missae conventualis; quia canonicis non videtur esse cura tam de populi concursu quam de hoc, ut liberarentur ab obligatione, ceu ex toto recursu ad S. Sedem apparere videtur. Etenim canonici ab aliis obli- gationibus se dispensatione (modo non fundata) liberaverunt alias obligationes ad parochum volunt devolvere, nulla vero se obligatione innodari permittunt, quam ob causam nun- quam in propria ecclesia sive conventualem sive aliam mis- sam cantant, nec concionantur, quod utrumque utique in aliis ecclesiis, ubi non obligantur, faciunt. »

Tandem quoad ultimum controversiae punctum haec re- fert : « initio Archiepiscopus, capitulum Vrhbosnense et pa- rochus in quadam provisoria capella, in qua initio non ad- erat organum sed harmonium tantum, functiones suas obi- bant. Unde non est mirum, cur et ego proposuerim et Sacra Sedes annuerit, ut canonici Vrhbosnenses non adigerentur ad cantandam vel solemniter habendam missam conventualem in tali capella. Ast modo pulcherrima ecclesia SS. Cordis Iesu exaedificata est, in qua organum, quod ultra 20,000 francs constat, invenitur; non video, cur ad minus diebus domi- nicis canonici non habeant saltem missam cantatam, si non solemnem; non video, ad quid organum approbante etiam capitulo tam grandi summa emptum sit, si praevidebatur impossibilitas eo utendi. Dicunt se esse quatuor tantum. Ast nihil interest. Nam licet sint tantum quatuor, tamen unus canonicus ex istis quatuor qualibet dominica die per omnes annos, quod hic sumus, missam cantabat et modo cantat