Potentina 291

archipresbytero in animarum cura et spirituali paroeciae ad-

ministratione vicissim per hebdomadas vicariam operam usque

praebuit totus eiusdem ecclesiae clerus, qui proinde e com-

muni massa congruam parochi efformante, aequalem cum

ipso partem percepisse videtur. Item vi consuetudinis incerta

stolae nigrae aliaque adventitia dividuntur partibus aequali-

bus inter parochum et Participantes, exceptis dumtaxat iu-

ribus stolae albae, quae soli parocho cedunt. Ve rum archi-

presbyter Pace, qui nunc parochiam obtinet, summam 200

ducatorum (libell. 850) pro congrua a Gubernio relictam, in.

communem massam, prouti antea a suo decessore factum

fuerat, contulisse videtur spatio 18 vel 19 annorum, donec

anno 1904 obtentis pro congruae augmento a Gubernio libel-

lis 1000, motu proprio, nempe quin prius edoceret Episco

pum, omnem congruam sibi retinuit, totum clerum receptitium

a cura et administratione spirituali paroeciae dimisit, atque

sibi elegit quatuor novos coadiutores, quibus libellas 1000

a Gubernio acceptas impendit.

Quare idem Episcopus die 18 Oct . 1904 decrevit ac

mandavit, « nihil esse immutandum tum quoad redditus, tum

quoad servitium et administrationem spiritualem dictae pa-

roeciae, usque dum responsum auctoritativum non habeatur...

Ideoque qui e clero receptitio usque nunc servitium ecclesiae

et curam animarum praestiterunt, praestare perseverent ; et

omnes reditus eo modo quo nunc distributi fuerunt, distribui

debere... ». Exinde archipresbyter ad S. C. C. appellationem

instituit, simul significans citatum decretum nullum robur

habere. Episcopus autem, occasione abrepta, petit ut status

ecclesiae receptitiae immutatus maneat, necnon libellae 1000

nuper obtentae pro duabus in Avilianensi agro perpetuis Vi -

cariis erigendis impendantur, quae propter distantiam a pa-

roeciali ecclesia necessariae videntur.

Deductiones archipresbyteri. Patronus, nonnullis prae-

missis de natura atque origine congruae parochialis iuxta ea