Sermo II .

Dominica sexta post Pentecosten. Sermo fratris Bonaventurao in Capitulo Fratrum de Aurelianis, in mane.

In novitate vitae ambulemus, ad Romanos sexto .

Duo hic facit Apostolus: primo excutit lminanae vitae miseriam seu negligentiam, cum dicit: Ambulemus: secundo ostendit sanctae vitae regulam seu formam, cum addit: in novitate vitae.

Circa primum nota, quod secundum intentionem Apostoli, si volumus evangelice vivere et non in vetustate peccati remanere, oportet, nos habere: nova desideria aeternitatis; Ezechielis trigesimo sexto : Auferam cor lapideum de carne vestra et dabo vobis cor carneum et spiritum novum ponam in medio vestri etc. - Nova eloquia, scilicet veritatis: Marci ultimo: Linguis loquentur novis etc. - Nova signa, scilicet sanctitatis: ad Ephesios quarto: Renovamini autem spiritu mentis vestrae et induite novum hominem, qui secundum Deum creatus est in iustitia et sanctitate veritatis, - Nova exempla,

scilicet caritatis: Ioannis decimo tertio : Mandatum novum do vobis, ut diligatis invicem etc. In lux cognoscent omnes, quia discipuli mei estis, si dilectionem habueritis ad invicem.

Nova praeconia, scilicet divinae laudis; Psalmus: Cantate Domino canticum novum etc.

Nova certamina, scilicet virilitatis ; Iudicum quinto: Nova bella elegit Dominus, et portas hostium ipse subvertit.

Nova charismata, scilicet suavitatis: Sapientiae decimo sexto : Novam gustaverunt escam.