292 Oneris Missarum

calce prostant. Idem praeterea Episcopus suas opiniones pro- ponebat, quibus dubia solverentur, atque inter cetera animad- vertit, supplicantem Capellanum consilio Episcopi iam cele- brasse Missarum copiam, ut inciperet facere satis involuntariis omissionibus.

Disceptatio synoptica.

QUOAD PRIMUM DUBIUM CONTRA CAPELLANUM est animad- versum, S. Sedem alienam esse a solvendis Missarum obliga- tionibus non solum ut servetur fundatorum voluntas, sed etiam ut fundatoresnon defraudentur pretiosis sacrificii fructibus ; ideoque si aliqua legitima causa pro dispensatione militet, potius alia onera solvere, quam onera Missarum; ut passim notatur in Foliis harum causarum, quae apud S. C. C. per- tractantur.

Nec obiici posse Capellanum ignorasse cessationem indulti ; cum id excusare eum quidem posset a culpa, non autem ab obligatione ; maxime cum pro satisfacienda eiusmodi omissa obligatione non deessent redditus, quos percipiebat duplae eleemosynae: quibus in adiunctis pluries S. C. C. negasse absolutionem ab oneribus Missarum omissarum, ut in Eccle- sien. 16 augusti 1864; Ostuen. 4 decembris 1784; Aesina 26 martii 1824 ad secundum dubium; Ianuen. 19 novem- bris 1825.

Quod si indulgeri vellet Missarum absolutio ob eius fami- liae necessitates usque ad annum 1864; concedi tamen eam non debere pro duobus annis subsequentibus, quibus conditio familiae melior evasit. Neque aequum videri, ut huius biennii redditus impenderentur in fundos vindicandos loco Missarum celebrandarum, propterea quod id secumferret voluntatis com- mutationem, quae sine gravi causa concedi non solet, atque per eam melior evaderet Capellani conditio, privato fundatore praescriptis suffragiis.

QUOAD SECUNDUM DUBIUM CONTRA CAPELLANUM est animad- versum, suppressionem dierum festorum, qui tempore funda-