292

ZAGABRIEN.

DISPENSATIONIS MATRIMONII.

Die 21 Augusti 1898. Sess. 24 cap. 5 De Ref. matr.

COMPENDIUM FACTI. Ludo vicus Koller, catholicus, in ae- tate 23 annorum tunc constitutus, cum in civitate Flumensi moraretur, quam primum vidit Idam Auer, 17 annos na- tam, amore captus, eiusdem parentibus eam in uxorem pe- tiit. Reque vera, praemissis sponsalibus, post aliquot men- ses, die nempe 9 Iulii 1893 celebratum est matrimonium Zagabriae in Ecclesia S. Marci, vieta non modica sponsae repugnantia.

Quandoquidem Ida, quae semper hoc matrimonium ve- hementi desiderio exoptaverat, tamen paucis diebus ante ce- lebrationem nuptiarum Ludovico nubere renuebat ea ratione ducta, quia eum mendacem deprehendit, neque ita opulen- tem, uti putaverat. Sed insistentibus parentibus, qui asse- rebant omnibus iam paratis fidem sponso datam esse servan- dam, eorum auctoritati atque consiliis cessit ac matrimo- nium admodum libera iniit.

Postridie nuptiarum sponsi voluptuarium iter aggressi sunt, Budapestinum petierunt, indeque post dies circiter 10 Zagabriam reversi sunt, ubi in domo parentum uxoris una simul pacifice cohabitarunt usque ad diem 4 Novembris eius- dem anni 1893. Hac die Ludovicus, non comitatus ab uxo- re, profectus est Lincium in Austria superiori eo vocatus, ut in principali fabrica « Fraks Söhne » per aliquod tempus munia obiret. Sed post mensem reversus Zagabriam, a pa- rentibus uxoris suae non est receptus et ex eo tempore con- iuges non amplius convenerunt, omneque consortium et commercium cessavit.

Imo, durante absentia viri, uxor tribunal Archidioece- sanum Zagabriense adivit, ab eoque petiit, ut vinculum ma- trimonii cum Ludovico Koller contracti solveretur ea de causa, quod nunquam fuerat consummatum. Curia Zaga-