Acta Pii PP. XI 293

vehendani difficultatesque omne genus in Dominicianae familiae bonum

solvendas curavisti. Ac praeclara exstant sollertiae tuae monumenta:

sacra aedes scilicet S. Nicolai, munifice abs te Frisaci instaurata, et. duae

religiosae domus, altera tuis sodalibus, altera vero Dominicianis sororibus

exstructae. Sed tum clarius tua virtus eluxit cum Magister generalis in

Lugdunensi capitulo renuntiatus es. Namque, ut nonnulla tantum attin-

gamus, magnae tibi curae fuit praecipua Italiae coenobia invisere, sancti-

moniam et studia in Ordine universo, provehere, curare denique ut qui

ohm in Ordine insigni virtutum omnium laude floruerunt, eis Beatorum

Sanctorunive honores decernerentur. Nec minus, suavissimis ad rem datis

-litteris, tuos inter praedicationem divini verbi promovere, eos ipsos ad

virtutis apicem hortari et sodales e Gallia, tot aerumnis oppressos, quoquo

pacto solari studuisti. Praeterire autem nolumus auctorem te quidem fuisse

ut Acta Capitulorum Generalium itemque Analecta Ordinis Praedicatorum

proferrentur in lucem, ac bibliotheca privata in usum editorum operum

S. Thomae constitueretur. Haud igitur mirari licet si tam egregiis animi

ornamentis tantaque alacritate praecellens, ipse deinde a Christi Vicario

electus sis qui Nuntii Apostolici munus in Bavaria gereres ac tandem in

amplissimum Purpuratorum Patrum collegium cooptareris. Ex his mani-

festo patet quantum tibi providentissimus Deus faverit; qui enim adule-

scens, ob valetudinis infirmitatem, vix potueras religiosam vitam ferre,

nunc non modo provecta aetate flores, sed etiam cotidiano labori vacare

non desinis; ut illud Psalmistae de te verissime dici queat: plantatus... a

pueritia in domo Domini, flores in atriis domus Dei nostri et adhuc in senecta

uberi .multiplicantur opera tua et bene patiens inventus es. Macte animo

igitur, dilecte fili Noster, ac fruare, tuis omnibus prudentibus, eventus

tam fausti laetitia. Nos autem qui te, uti nosti, habemus carissimum, com-

munibus omnium votis id Nostrum imprimis addimus, ut diutius te Deus

bene valentem sospitare velit et quasi in terris praecipere futurae gaudia

remunerationis. Interea, quo augustior laetabilis rei celebratio fiat, item-

que in fructum cedat animarum, libentes tibi damus ut sollemni die, re

sacra peracta, adstantibus nomine Nostro benedicas, plenam admissorum

yeniam eisdem proponens, usitatis videlicet Ecclesiae condicionibus lucran-

dam. Atque caelestium praenuntia munerum peculiarisque benevolentiae

Nostrae testis apostolica sit benedictio, quam tibi, dilecte fili Noster,

effuso animo impertimus.

Datum Romae apud Sanctum Petrum, die x x i v mensis Iunii, in Nati-

vitate S. Ioannis Baptistae, anno MDCCCCXXVIII , Pontificatus Nostri se-

ptimo.

A CTA, vol. X X . a. 9. - 10-9-9.3. 20

PIUS PP. X I