CIVITATIS CASTELLI 293

scripta consignasse ac tranquille recessisse ab aula post- quam exquisivisset et certus factus fuisset alterum cito, ad summum post .aliam horam, nonnullis paginis transcriptis, et ipsum ex aedibus recessurum esse.

Ex hoc conditionem canonici Minio graviorem fieri contendit. Nam si Episcopus ampliavit tempus, non indefi- nite, sed determinato modo, usque ad horam noctis, iam ex abusu canonicus tot alias horas in aula stetisset. Quod quidem ei nocere plurimum debet; quum non solum praeter legem, sed et praeter expressam Episcopi voluntatem, ideo- que dupliciter contra legem in aula permansisset. Unde ea quae egit post tempus statutum veluti illegitima, nulla ac nullius effectus considerari per se deberent : et quum con- cursus, ut quid unum necessario habeatur, quia scripta et labores dividi ac seorsim iudicari non possunt, iam totus eius concursus infirmandus videretur. Idque eo vel magis quia non modo horas et tempus excesserit, sed ipsum diem fuerit praetergressus. Quandoquidem iam incoepta ferme a duabus horis die 24 Maii concursum absolvit, dum Episcopus die 23 maii examen fieri indixerat.

QUAE IPSI ADVERSARI VIDENTUR. E X altera vero parte observatum fuit, quod iuxta DD. regula superius recensita Clementis XI et Benedicti XIV, qua cautum fuit ut certum idemque spatium temporis omnibus praefiniatur, intra quod casus resolvant etc. consilium sit et non praeceptum; et Episcopum posse committere ac relinquere singulorum diligentiae et arbitrio tempus finiendi, et sic nullam assi- gnare horam qua examen claudatur. Neque hoc esse contra iustitiam, cum omnibus indistincte eadem conditio fiat.

Et haec omnia probari posse unius Reclusii auctorita- te, qui in opere de concursibus part. 1, tit. 3, num. 95 haec habet: « arbitrio et prudentiae Episcopi relinquitur, » vel tempus praefinire concurrentibus... vel illud indeter- » minatum, dummodo.non interruptum constituere, non ob- » stante memorata encyclica S. C. Concilii sub Clemente XI , » ubi sic legitur. Debet certum etc. Eadem enim S. C. Con-