ZAGABRIEN. 293

briensis, praetergrediens limites suae iurisdictionis, non so- lum processum absque delegatione instituit, sed sententiam tulit, nempe solutionem matrimonii actrici non concedi eo quod matrimonii non consummatio haud sufficienter esset probata, praesertim quia medici, inspecto actricis corpore, deposuerant, in ea virginitatis membranas inveniri disru- ptas et proinde deesse obiectivum argumentum virginitatis.

Huic sententiae Actrix non quievit et in secunda instan- tia se appellavit ad Tribunal Kalosciense, quod primam sen- tentiam irritam dixit, ex eo quod actis non interfuerat De- fensor vinculi matrimonialis. Tunc tribunal Zagabriense, de- tecto suo errore, cum ageretur de matrimonio rato et non oonsummato dispensando, suam incompetentiam declaravit, atque actricem ad S. Sedem remisit.

Quapropter uterque coniux ad Supremum Pontificem sup- plicem misit libellum, dispensationem a matrimonio rato et non consummato efflagitans. Hae de re Archiepiscopo Za- gabriensi rescriptum fuit, ut processum ad normam iuris conficeret ; quibus omnibus expletis, Archiepiscopus acta ad S. C. O. transmisit.

Disceptatio Synoptica

VOTUM THEOLOGI. Mirandum sane est tribunal Zagabriense petitionem recepisse, nec solum instituisse processum, sed sententiam quoque tulisse die 17 Aprilis 1894 solutionem matrimonii actrici non esse concedendam edicens, eo quod de matrimonii inconsummatione non satis constaret. Enim tribunal, in his omnibus, limites suae iurisdictionis omnino est praetergressum ; constat enim in causa dispensationis a matrimonio rato et non consummato unum Romanum Pon- tificem esse competentem, et tribunalia inferiora non solum haud posse sententiam in his causis dicere, sed ne processum quidem instituere absque speciali delegatione Romani Pon- tificis, ut aperte constat ex Constitutione Benedicti XIV « Dei Miseratione » 29 Nov. 1741. Nec minus erravit t r i - bunal Kalosciense. quod appellationem Idae recepit, et sen-