IANUEN. 295

tamen haec aeque nullius valoris est. Quum vero parochus in eadem conventione promiserit se amplius nullam partem habiturum fore in administratione, mirum est, exclamat eumdem parochum velle recognoscere conventionem, ea in parte tantum sibi favorabile.

Suam intentionem exposuit quidem parochus apud tri- bunal Civile sub anno 1872, sed patronus observat, eamdem repudiatam fuisse per sententiam decretorie contrariam. Quae tamen parochorum oppidi Livellato contundere audaciam haud valuit.

Quoad transactionem initam anno insequenti nempe 1873, advertit advocatus, hic non agi de transactione, sed de mero spolio ac furto. Siquidem, transactio dicitur : « pactio, aut conventio de re dubia, aut lite incerta, aliquo dato, et ali- quo retento ». In themate vero non agebatur de re dubia vel de lite incerta, cum decem abhinc mensibus quaestio iam iudicata fuisset favore Sanctuarii, et in rem iudicatam transiisset. Parochus insuper nihil dedit, sed potius magis accepit, quam quod in praecedenti iudicio expoposcerat : in quo de iure peragendi functiones in Sanctuario, ne verbum quidem factum fuerat. Unde, etiam iure moderno huiusmodi concessio flocci facienda est: nam in art. 1768 Codicis ci- vilis ita habetur constitutum: « La transazione non si estende » oltre a ciò che ne forma l'oggetto » ; sed in casu obiectum transactionis aliud esse non poterat, nisi postulata Parochi in praecedenti iudicio expressa : ergo dicta concessio in transactione apposita, tamquam non adiecta habenda est.

Praeterea, huiusmodi transactio, pergit orator, vitio nul- litatis ex aliis quoque capitibus laborat: 1. quia conven- tioni an. 1696 innixa fuit , quae abrogata fuerat decreto Seren. Senatus an. .1874, idcirco corruente fundamento, ne- cesse est tota etiam transactionis fabrica praecipitet. 2. quia contra Parochum praescriptio triginta ac etiam centum an- norum ineluctabiliter stabat, prout declaraverat Tribunal in iudicio praeteriti anni. 3. quia administratores piorum Operum Ecclesiarumque nihil alienare queunt, tam quoad bona quam