LIMBURGEN. 295

libellas aucti sunt. Quia tamen secundum aetatem parochi, isti reditus plures aut minores ex dicto aerario assignan- tur, successor parochi hodierni forsan solas 2500 libellas percipiet. Congrua vero hac in dioecesi summa 1775 libel- larum constituta est. Status passivus fundi parochialis non existit. Obligationes autem missarum, exceptis circa 80 mis- sis pro populo applicandis, n. 96 tabellae inscriptae sunt. Si a Sacra Congregatione Concilii parochum obligatum esse ad missam hebdomadalem pro fundatore dicti « Kapellen- hof » applicandam sententia feretur, summa quadam veri- similiter detrimentum, quod ex ea obligatione ipsi evenerit, reparabitur, sed summa ista ex aerario publico ei assi- gnanda omni tempore est revocamus ».

Parochus vero Ellarensis ex triplici capite sustinet se ab obligatione missam applicandi pro fundatore solutum esse :

1. Quia neque ecclesiae Lahrensis in inventariis neque in tabellis fundationum haec obligatio inscripta invenitur, neque alicubi de ea fit mentio.

2. Quia a. 1675, quando incolae vici Ellar recursum obtulerunt auctoritati laicae pro habenda missa, decisum quidem fuit parochum Lahrensem, qui tunc paroeciae incor- poratam capellaniam « Kapellenhof » habebat, debere quo- vis sabato in Ellar missam persolvere, sed de obligatione eam applicandi pro fundatore nulla mentio facta fuit.

3. Similes fundationes, sine obligatione missam appli- candi, etiam in alia paroecia Grossholbach extant, ita nem- pe ut parochus diebus ferialibus in ecclesiis filialibus Klein- bolbacb et Girod dicere missam debeat favore filianorum, ab ecclesia matrice longe distantium.

Ex officio autem animadvertere praestat in facto quod a. 1838, cum nova paroecia Ellarensis fuit erecta eique dicta capellania incorporata, tabulae fundationis praesumuntur fuisse inspectae vel saltem exquisitae : si itaque nullum onus impositum fuit pro applicanda missa favore fundato- ris, argumentum habetur in illis nihil constare de applica- tione in casu.