QUAESTIO CLXXXV1I1.

Qualiter comprehendat in se benedictionem Joseph?

Sequitur, Deuteron. XXXII, 13 et seq, : Joseph quoque ait: De benedictione Domini terra ejus, de pomis coeli, et rore, atque abysso subjacente : de pomis fructuum solis et lunae: de vertice antiquorum montium, de pomis collium aeternorum : et de frugibus terrae, et de plenitudine ejus. Benedictio illius qui apparuit in rubo, veniat super caput Joseph, et super verticem Nazaraei inter fratres suos.

Benedictio Joseph in octo consistit. Primum est dulcedinis divinae praegustato, et hoc est: De pomis coeli, et rore. Ros in quantum illuminat intellectum, pomum inquantum reficit affectum. Secundum est in humanitate Christi delectatio, et hoc est: Atque abysso subjacente. Tertium in operibus Christi refectio, et hoc est: De pomis fructuum solis. Quartum est de gratiis Ecclesiae jucimdatio, et hoc est: Et lunae. Quintum est de gratiis et virtutibus antiquorum patrum exsultatio, et hoc est: De vertice antiquorum montium. Sextum est modernorum perfectorum congratulatio, et hoc est : De pomis collium, aeternorum. Septimum est de gloria Ecclesiae triumphantis exsultatio, et hoc est: De frugibus terrae, et de plenitudine ejus. Octavum est de gloria hominis Christi participatio, et hoc est : Benedictio illius qui apparuit in rubo, etc.

Hujusmodi benedictionis sufficientia sumitur in hunc modum : Vel est pertinens ad statum patriae, vel ad statum viae, vel est purgatio, vel est delectatio illorum quorum est purgatio. Si primo modo, vel est de capito, vel de membris. Si de capite, vel quantum ad substantiam, et sic est de humanitate Christi refectio. Si autem de membris, vel est in genere, et sic est de gratiis Ecclesiae jucundatio : vel specialiter, et tunc vel sunt antiqui, sic est de virtutibus montium antiquorum exsultatio : vel sunt moderni, et tunc est perfectorum modernorum congratulatio. Si autem pertinet ad statum patriae, vel est quantum ad membrum, et sic est de gloria triumphantis Ecclesiae exsultatio : vel quantum ad caput, et sic est gloriae Christi communicatio.

Haec autem in summo habuit beatissima Virgo : quia summam habet divinae dulcedinis non tantum praegustationem, sed etiam comestionem, quae totum in se manna habuit et summam in Christi humanitate delectationem : quia summam ad ipsum habuit dilectionem. In operibus illius habuit refectionem : quia ludebat coram illo in orbe terrarum per singulos dices . Item, de profectu Ecclesiae summam habuit congratulationem : quia summam ad ipsam habuit charitatem. item, summam de patrum sanctitate exsultationem, a quibus duxit originem et possederat perfectionem. Item, de profectu modernorum summam habuit congratulationem., quibus omnibus perfectionis ipsa fuit magistra et dux et exemplum. Item, de Ecclesiae triumphantis gloria summe sig. audebat, utpote illius imperatrix

et regina. De gloria autem hominis Christi non partem, sed totum habebat, cumquo una in natura, simillima in gratia, in gloria, ipsum et suam gloriam plusquam se et suam dilexit.

Sic igitur constat manifeste beatissimam Virginem omnes benedictiones Joseph in summo habuisse.