296 ZAGABRIEN.

cienda esset, praemisso balneo, a duabus vel tribus obste- tricibus, quae a duobus rei medicae peritis fuissent apte in- structae, quarumque conclusiones ipsorum medicorum iudi- cio subiicerentur. Haec omnia in casu non sunt servata ; sed nullum exinde causae praeiudicium est. Sufficit enim si quoad substantialia servata fuerint, ut Gasparri De matr. n. 1197 testatur, qui ibidem in nota refert inspectionem corporis mulieris in curia Parisiensi non ab obstetricibus, sed a duobus peritis, assistente non matrona, sed quadam religiosa ex illis quae mulieribus parturientibus opem prae- stant, fieri solere, nec tamen S. Congr. Concilii eiusdem Curiam acta sanare soli tam fuisse. Ipsa quoque balnei omis- sio merito causae praeiudicare non valuit. Porro huius in- spectionis conclusiones hae sunt. Doctor Svrljuga sub iura- mento dicit hymenem pluribus in locis disruptum, adstan- tes carúnculas myrtiformes, levitatem rugarum vaginae ar- gumentum esse corpus aliquod solidum et leve saepius in vaginam fuisse introductum ; an illud fuerit virile membrum vel aliud corpus, quo Ida ad se masturbandam usa fuerit, definiri non posse ; sed ipsi certum est ex fortuito prolapsu in acuminatum sellae fulcrum eas omnes lacerationes fieri non potuisse. Ad eamdem conclusionem devenit Doctor Ko- sirnik, qui tamen videtur admittere probabilitatem eas omnes lacerationes ex fortuito ab eminentiori loco prolapsu repeti posse. Quare, etsi verum esset id quod Ida eiusque mater, asserunt, has lacerationes ex eo ortas fuisse, quod Ida in puerili aetate ex alto ceciderit ex eoque casu genitales par- tes disruptas et cruentas retulerit, non minori evidentia con- staret ex inspectione nullum pro inconsummatione positivum argumentum deduci posse. Porro ex cohabitatione et con- dormitione coniugum vehementissima oritur consummationis praesumptio, uti colligitur ex cap. Litteris 12 de praesum- ptionibus X (II. 23) iuncta Glossa, et late probat Pigna- tellus in Consultat. CXLVIII n. 2, tom, 1; quae praesum- ptio iuris et de iure nonnisi per positivas contrarias et bene fundatas virginitatis probationes elidi potest, ut docet Co-