296 EX S. G. CONCILII

In iure autem observari potest quod quamvis genera- tim, demandata in testamentis missae celebratione, iniun- ctum quoque onus applicationis censeatur, uti observat Be- nedictus XIV (De Sacri f. Mis. lib. 3. cap. 9), maxime cum deprehendatur testatorem vel fundatorem una cum po- puli commoditate animae quoque suae suffragium respexis- se ; tamen haec regula cessat, ubi ex dispositionis contextu et ex aliis adiunctis, puta ex praxi fundationi proxima, coniicere liceat aliter testatorem praecipere voluisse; uti patet in Tridentina - Applicationis missarum, 27 feb. 1768, et in Brixien. - Legati pii, 24 iulii 1838. Tunc enim po- tius videtur fieri locus regulae iuris: In obscuris, quod mi- nimum est, sequamur.

In contrarium vero animadverti potest, quod obligatio applicandi missam pro institutore Cappellaniae recognita fuit ab episcopo Limburgensi, cuius iurisdictioni parochus Ellarensis subest. Haec autem declaratio non videtur solido destitui fundamento ; si quidem instituta Cappellania cum onere missae praesumitur quod pius fundator eam voluerit celebrari in suffragium animae suae, nisi contrarium pro- betur ; cum autem de hac contraria voluntate in themate non resultet, applicandum potius recurrit principium regu- lae 45 in 6 : Inspicimus in occultis quod est verosimilius.

Quin imo, uti ex inventario quodam ab episcopo relato et a parocho Yorst confecto, eruitur quod a parochis Lah- rensibus, ante a. 1838, quo tempore erecta fuit paroecia Ellarensis, dicta missa hebdomadalis pro fundatore appli- cabatur; quin aliquid operetur subsequuta observantia de missa non applicanda pro fundatore : quippe S. Congr. ob- servantiam de non applicanda missa pro fundatore in cal- culo habere non solet quando deficiunt circumstantiae quae praesumere faciunt testatorem missae applicationem praeci- pere noluisse, ut notatur in Taurinen. - Applicationis missarum, 26 aprilis 1836.

Posita vero obligatione in parocho Ellarensi applicandi pro Cappellaniae fundatore non videtur esse ulla oneris re-