Sermo III .

Item, sermo fratris Bonaventurae apud Lugdunum Dominica octava post Pentecosten.

Non potest arbor bona malos fructus facere Matthaei septimo .

In verbis istis describit Salvator hominem configuratum sibi per conformitatem voluntatis et vitae a tribus, scilicet a securitate animi, ibi: Non potest: a stabilitate voti, ibi: arbor bona; ab utilitate facti, ibi: fructus malos facere: quasi dicat: immo, semper bonos.

Circa totum nota, quod bonus homo metaphorice dicitur esse vere bona arbor, si ad modum arhoris radicatus in fide, elevatus in spe, expansus in caritate, floridus in desideriorum aviditate, babel ad modum arboris firmae, procerae, umbrosae, floridae fructum operationis in alimentum, secundum illud Levitici vigesimo sexto : Et pomis arbores replebuntur. Et comedetis panem vestrum in saturitate. Habet , inquam, et reddit fructum: sanum per bonam intentionem; ad Romanos sexto : Habetis fructum vestrum in sanctificationem, finem vero vitam aeternam.

Sapidum per devotionem internam: Ecclesiastici trigesimo nono: Obaudite me, divini fructus, et quasi rosa plantata super rivos aquarum fructificate.

Floridum per conversationem honestam ; Ecclesiastici vigesimo quarto: Flores mei, fructus honoris et honestatis.

lndecidivum per continuationem firmam; Ieremiae decimo septimo : Sec aliquando desinet facere fructum .