VATICANI CONCILII 297

Prima itaque Generalis Congregatio habita est die 10 Decem- bris, cui praesederunt, nomine et auctoritate Pontificis, Cardinales Antoninus De Luca, Iosephus Andreas Bizzarri, Aloisius Bilio, Han- nibal Capotti: ratione enim aegritudinis aberat Card. Carolus de Beisach,

Celebrato aidem sacro de Spiritu sancto per Archiepiscopum Auximanum et Cingulanum Salvatorem ex Marchionibus Nobili- Vitelleschi, ille, qui inter praesentes Concilii Praesides in cardi- nalitia dignitate senior est, initium dedit precibus, de quibus fit mentio in Ordine, quem supra retulimus pag. 276, easque simul Patres stantes recitarunt. His precibus effusis, idem Cardinalis sic Patres est allocutus.

B R E V I S O R A T I O

Habita in prima Congregatione Generali Sacri Concilii Vaticani

die 10 Decembris anno Domini 1869 ab E.mo Cardinali An-

tonino De Luca titulo SS. Quatuor Coronatorum.

Reverendissimi Patres,

« In hoc sacro et venerando consessu, qui maiestatem et ad- mirabilem unitatem catholicae Ecclesiae, per totum qua late patet terrarum orbem diffusae, oculis intuentium exhibet, ante Vestrum conspectum venimus, mandato Sanctissimi Domini Nostri Summi Pontificis obsequentes. Ipse etenim gravissimum Nobis oíñcium committere voluit praesidendi Congregationibus Genera- libus huius Sacrosanctae Vaticanae Synodi.

« Si magnitudinem ac difficultates muneris nobis impositi respicimus, sollicito animo Nos esse oportet, timentes, ne vires nostrae tantae rei nimium impares evadant.

« Verumtamen religio, zelus, doctrina, prudentia, ceteraeque virtutes, quibus Vos, Reverendissimi Patres, praecellitis, curas Nostras profecto levant, ac firmam certamque spem ingerunt, fore, ut haec tam salutaris actio, collatis studiis ac conspiran- tibus animis, sancte et feliciter, Deo bene iuvante, usque procedat.

« Sancti igitur Spiritus lumine ac virtute adiuti, et hac via et rationes incedentes efficiemus, ut ex hoc Sacrosancto Oecu-