CORTONEN. 297

pitulö inesse deducit, ut ea sibi ex bonis abbatialibus prae- stet, quae saltem ad honestam vitae sustentationem sufficere possit.

Tandem ad controversiae punctum propius accedens ius exigendi summas immunes a taxis vulgo <c di ricchezza mobile e di mano morta > parocho vindicat non modo ex obligatione quae canonicis incumbit augendi congruam, sed etiam ex ipsis instrumenti verbis quae superius relata sunt. Dicitur ibi namque priorem in se pondus suscepisse solvendi vecti- galia agris et domui rusticae inhaerentia, non vero cetera de quibus illic nulla fit mentio. Quod si Capitulum con- gruam parocho et mercedem capellano solvere debet a prae- dictis oneribus immunes, iam evidens esset et summas hucus- que pro taxis solutas esse actori refundendas.

IURA CAPITULI. Verum ex adverso Capitulum ea omnia quae parochus de sua paupertate retulit et quoad congruae augmentum ratiocinatur extra chorum dicta esse autumat. Licet enim parochi conditio locuples dici nequeat, nullimode tamen evincitur canonicos ad illam in melius mutandam astringi posse. Gratis siquidem iuxta illos asseritur bona iam ad Abbatiam loci Farneta pertinentia haud fuisse Capitulo concessa et devoluta, cum initio publici instrumenti anni 1786 eadem mensae capitulari unita fuisse dicantur. Neque vero meliori fundamento niti censet reliqua parochi verba. Ete- nim haec scripsit quoad documenta, quae penes illud asser- vata dicebantur et quorum productio efflagitabatur : Capitu- lum notum facit sese non habere alia rationum momenta, neque possidere alia documenta exhibenda aut mittenda ad S. C. Congregationem, praeter ea quae iam exhibuit. De re- ditibus demum et oneribus praediorum loci Farneta haec ha- bet : si parochus rependit graves taxas, haud minores incum- bere Capitulo: res enim eo venit, ut dictum patrimonium sit pene onerosum Capitulo, ex innumeris, quibus gravatur, tributis.

Observat praeterea taxas vulgo « di ricchezza mobile e di mano morta > reditibus a parocho perceptis a fisco impositas