IANUEN. 297

an expediat Sanctuarium in parochiam erigere, asserit hoc imo esse necessarium ad auferendam mixtam iurisdictionem ad mentem Concil. Trid. Sess. 24 cap. 18. Etenim Parochus Ceranesi concludenter probavit, ac etiam Archiepiscopus in suo Decreto diei 20 Maii 1890 retulit, novissimum Sanctua- rium Hospitiumque in eius ditione constitutum esse. Eo vel magis, quia dictus Parochus expresse declaravit, in hac hypothesi libenter iura sua cedere Sanctuario. Ceterum, id non est praetereundum, observat patronus, quod, cum quae- stio mixtae iurisdictionis inter duos Parochos pendeant, pri- mum dubium in calce exscriptum locum habere non potest. Erectionem vero huius novae paroeciae, omnia iura exigunt quia ea omnia existunt quae ad erigendas parochias requi- runtur: magnificum ac frequentissimum Templum, spatiosum commodumque Hospitium, annuus reditus libellar. 35,060, pluria aedificia praediaque propria Sanctuarii, Rector cum tribus Capellanis ibidem assidue residentibus, quorum primus stipendium habet libell, an. 2,400 ceteri vero libell. 1,400 praeter habitationem. Et licet in praesens numerus ordi- narius incolarum non sit magnus, nihilominus fere semper habetur fidelium ex undique concursus, et non raro evenit, ut ipsorum aliqui per plures dies ibi commorentur.

Hisce omnibus expositis, proposita fuerunt diluenda se- quentia

Dubia

I. An Ecclesia, B. Mariae a Guardia eum omnibus suis partibus aedificiisque annexis contineantur intra limites Pa- roeciae S. Bartholomaei Livellati in casu.

II. An transactio inita die 8 Aprilis 1873 inter Mas- sarios Ecclesiae B. Mariae a Guardia et Rev. Praepositum S. Bartholomaei Livellati sustineatur, nempe :

1. Quoad annuum canonem libellarum ianuensium 108 memorato Praeposito Massariis solvendum:

2. Quoad ius eiusdem Praepositi Ecclesiam B. Mariae