298 IANUEN.

a Guardia adeundi, et sacras functiones ibi peragendi, iuxta antiquas consuetudines in casu.

III. An denique annuendum sit votis Episcopi /postu- lantis, erectionem Sanctuarii B. Mariae a Guardia in pa- roeciam in casu.

RESOLUTIO. S. Congregatio Concilii mox relatis maturo examini subiectis, in plenariis comitiis diei 20 Iulii 1895 respondendum censuit :

Ad I. Non proposita et partes, quatenus velint, utantur iure suo coram Curia archiepiscopali. Ad IL Negative in omnibus. Ad III. Iuxta exposita, non expedire; et servetur Decretum diei 20 Maii 1890.

-

NOLANA

SOLUTIONIS MEDIAE ANNATAE

Die 20 Iulii 1895. Per summaria precum.

COMPENDIUM FACTI. Nolanus Praesul S. C. C. litteris se- quentis tenoris adibat : vi Bullae Benedicti XII I , Pius et misericors beneficia simplicia, non provisa per Apostolicam Sedem, et ipsa curata beneficia, quorum reditus superet cen- tum scuta romana, gravari onere mediae annatae; quam tamen neque Canonici Cathedralis aut Collegiatae Dioecesis huius persolvere curarunt, neque libenter nunc id facerent de beneficiis provisi ob immutata temporum adiuncta, et causa oneris taxae successionis, et regii placet. Solutionem mediae annatae opportunum nunc venire ob Cathedralis ae- dificationem, cui haud par est pecuniae summa a Gubernio assignata. Quibus praenotatis, dubiorum insequentium petere solutionem :

I. Utrum vi clausulae sublata et decreti irritantis ad- stringere valeat ad solutionem mediae annatae novos omnes bénéficiâtes, comprehensis illis qui eam non persolverunt ultimis decem annis.